تمكن فريق طلائع الجيش بقيادة طارق يحيى بالفوز على نادي الزمالك بقيادة الفرنسى باتريس كارتيرون، بثلاثة أهداف مقابل هدفين، فى المباراة التى أقيمت بينهما مساء أمس الإثنين، على استاد الجيش بالسويس، فى الجولة الثامنة بالدورى الممتاز.
وأجرى الإعلامي عمرو أديب مكالمة كوميدية بينه وبين طارق يحيى المدير الفني لفريق طلائع الجيش، خلال حلقة الأمس من برنامج الحكاية فقال أديب له “كده برضو يا كابتن، مكنش العشم، ده الزمالك يا كابتن طارق”.
ورد عليه طارق يحيى قائلا “أنا برضو بقول الكلام ده لنفسي يا عمرو، بس إحنا موقفنا صعب، إحنا الثاني من تحت”.
فعلق أديب قائلا “أنت كده بتنكد عليا أكثر ، إن أنت الثاني من تحت تهزم الثاني من فوق”.
وأردف طارق يحيى “الموقف بتاعنا صعب جدًا جدًا، أنا استلمت الفرقة في مكانة لا تليق بطلائع الجيش، ومكسب النهاردة أدانا دفعة كبيرة جدًا إننا نهزم فريق زي الزمالك، وخصوصا أنا كنت قلقان جدًا لن الزمالك عمل مباراة مع بيراميدز الأسبوع اللي فات وكانت مباراة و لا أروع، نادي الزمالك عنده أطراف وعنده في العمق مهارة كبيرة جدًا، لاعيبة جامدة جدًا”.
وسأله أديب قائلا “أنا عارف إني المفروض أسألك طلائع الجيش كسب ليه، بس بشكل ودي هسأل هو الزمالك خسر ليه؟”.
فعلق طارق يحيى “أنا نفسي اتفاجأت بالحالة اللي فيها، كانت حالة من أربع خمس أيام كانت حالة أربكتني وخوفتني أنا شخصيا، وإحنا استغلينا الحالة اللي فيها الزمالك”.
شاهد الفيديو…
