نعى كابتن محمود فتح الله، لاعب نادي الزمالك السابق، علاء علي لاعب الزمالك وسموحة وبتروجت السابق، وصديقه، الذي توفي أمس الإثنين عن عمر 31 عامًا بعد وعكة صحية تعرض لها مؤخرا، وإصابته بمرض السرطان.
فعلق محمود فتح الله خلال مداخلة هاتفية مع الإعلامي عمرو أديب خلال حلقة الأمس من برنامج “الحكاية” المذاع على قناة “أم بي سي مصر” الفضائية قائلا “علاء على المستوى الشخصي، شخصية محترمة وهادية، وشخص قلبه طيب في زمان المحترمين فيه قليلين، شاب زي العسل ولاعيب محترم، ولا عمره عمل مشكلة، ولا عمر اسمه اتذكر في أي حوار، كل الأندية اللي لعب فيها معملش أي مشكلة مع أي حد، شخص طيب وجدع وكريم جدًا”.
وأردف محمود فتح الله “علاء حظه كان وحش أخر سنة في الإصابات، جاله رباط صليبي، وبعدين فجأة أغم عليه، واكتشفوا إنه جاله ورم على المخ، وعمل عملية، وشال الورم، كان بيعمل جلسات إشعاع، وعلاج طبيعي، فضل كتير في السرير حالته صعبة”.
وتابع فتح الله قائلا ” زرته بد العملية في بيته، وكنت حابب إننا نعلن في الإعلام إنه عمل عملية صعبة لأنه لاعيب كبير ومن حق الناس تعرف، بس هو صمم إنه ميعرفش حد عشان لما يخف من الورم رؤساء الأندية، والمدربيين ميقولوش ده كان تعبان وعنده مشكلة ويقدر يرجع يلعب عادي لما يخف من الورم”.
وأضاف محمود فتح الله قائلا “من أسبوع بعتله رسالة أطمن عليه وبتأسف له إني أنشغلت عني، فرد عليا قالي إنه بقى كويسن وحالته اتحسنتن ووقف جلسات الإشعاع وبدأ ينزل جيم، وكان بيحاول بقدر الإمكان يخف بسرعة عشان يرجع يلعب مع أندية تاني، بس هي الدنيا كدهن ربنا يرحمه ويصبر أهله”.
شاهد الفيديو…