علق المستشار مرتضى منصور، رئيس مجلس إدارة نادي الزمالك على الصلح الذي بدأ بين تركي آل الشيخ مالك نادي ألميريا الإسباني والرئيس الشرفي السابق للنادي الأهلي ومحمود الخطيب رئيس القلعة الحمراء بعد فترة من التوتر سادت علاقتهما، وذلك خلال مداخلة هاتفية مع برنامج “الزمالك اليوم” المذاع على قناة “الحدث اليوم”.
فأوضح رئيس مجلس إدارة نادي الزمالك موقفه قائلا “يا جماعة أبعدوني عن الخطيب وتركي الشيخ، أبعدوني عن العلاقة بتاعتهم سواء كانت علاقة ود أو خلاف، محمود الخطيب رئيس النادي الأهلي والنادي الأهلي هرم كبير، السيد تركي الشيخ صديق عزيز ووزير محترم في دولة صديقة”.
وتابع مرتضى منصور قائلا “النهاردة لما بعت وفد من عنده عشان يزور الكابتن محمود الخطيب في بيته، عشان يطمن عليه ده وضع طبيعي لأنه راجل محترم، مدخلونيش أنا بقى في جملة مفيدة بين الأثنين خالص”.
وواصل رئيس مجلس إدارة نادي الزمالك قائلا “أنا قولت رأيي السيد تركي الشيخ عمره ما كان زمالكاوي، طول عمره اهلاوي وبيشجع الكيان، اختلف مع مجلس إدارة النادي الأهلي دي مشكلة بينهم، الرسائل اللي كانت بيني وبين تركي الشيخ في عز الخلاف، إننا عايزين نفرق بين العيال اللي بتشتم وبين مجلس الإدارة”.
وأردف رئيس مجلس إدارة نادي الزمالك “كل ما تركي الشيخ يعمل تويتيه يقولك دي لك ، هي إيه المشكلة اللي بيني وبينه عشان يعمل تويتة ضدي، وقولت قبل كده البيت الوحيد اللي دخله تركي آل الشيخ في مصر هو بيت مرتضى منصور، والبيت الوحيد اللي دخله مرتضى منصور في السعودية هو بيت تركي الشيخ”.
شاهد الفيديو…