بالفيديو| حسن شحاتة يفتح النار على لاعبى منتخب مصر ويهاجم محمد صلاح وتريزيجيه

بالفيديو| حسن شحاتة يفتح النار على لاعبى منتخب مصر ويهاجم محمد صلاح وتريزيجيه

هاجم الكابتن حسن شحاتة، مدرب منتخب مصر السابق لاعبى منتخب مصر بعد الخروج من كأس الأمم، كما هاجم محمد صلاح وتريزيجيه، وذلك خلال مداخلة هاتفية مع الإعلامي احمد موسى.

فعلق شحاته قائلًا “في مجاملة، في لاعيبة أكبر من الاتحاد، ولاعيبة تطلب من يلعب ومين ميلعبش، ده كلام ميصحش يبقى في منتخب مصر العظيم، هنتعامل مع الناس اللي بره إزاي، إحنا كنا بنتعامل مع الناس وراسنا مرفوعة”.

وتابع شحاتة قائلًا “الفارق الفني كبير أوي بين منتخب مصر السابق والمنتخب الحالي، في لاعيبة كبار جدًا بس مين اللي بيشكلهم، في حاجات كثيرة جدًا ممكن نتكلم فيها، إحنا بنلعب باسم مصر، وفي ناس كتير مش فاهمه ده”.

واستطرد “لو أنا اللي بدرب المنتخ ده كان بالكتير يبقى معايا منهم 4 أو 5، لأن دي لاعيبة مش عارفه يعني إيه وطنية وانتماء، أنا ربنا كان كرمني باللعيبة السابقة، خلال الثلاث بطولات كان معايا 42 لاعيب من أسوان لمرسى مطروح”.

واضاف “محمد صلاح وترزيجية وكده وبرضوا معندناش منتخب، لأنهم مأدوش اللي عليهم، مش عايز أهاجمهم عشان ميتقالش إني بغير من صلاح ولا حاجة، يعني الكلام كله يبقى على صلاح وترزيجية طب بقيت اللاعيبة تروح فين”.