علق الإعلامي الرياضي أحمد شوبير على حدث بين رئيس نادي الزمالك مرتضى منصور، ومحمود كهربا، وذلك خلال حلقة الامس من برنامج “مع شوبير” المذاع على قناة “أون سبورت”.
فقال شوبير “الدنيا قامت قالوا إن في خناقة حصلت بين رئيس النادي، وبين محمود كهربا، اتقال إن رئيس النادي قال لكهربا أطلع فوق ويمدوا، طبعا ده كلام لا يقبله عقل ولا منطق”.
وتابع شوبير “الإشاعة الثانية إن كابتن أيمن حافظ ضرب كهربا بالقلم، وده طبعا منطقيًا محصلش، الكلام الثالث إن حصل مشكلة بين رئيس النادي وكهربا وده ماشي”.
وأضاف “أنا بتكلم ب3 صفات أولا أنا كنت لعيب كرة، فمستحيل أي لعيب كرة يقبل ده على نفسه، الصفة الثانية بتكلم بصفتي إعلامي، فلازم وأنا على الشاشة وهقول خبر يا إما اتأكد من صحه يإما اتجنبه يإما أفند الإشاعة، الصفة الثالثة إني راجل إداري ، وكل إداري وله طريقته، وكل واحد بيتصور إن طريقته وأسلوبه هو الصح”.
وأوضح قائلًا “أرجو من حضراتكم إننا ننقل بدقة، أه حصل مشكلة، وبعد كده حصل مشكلة، التوقيت في البلد اليومين دول مهم جدًا”.
شاهد الفيديو..
https://www.youtube.com/watch?v=fAGKBfFNvq8