تلقي اللواء ايمن الملاح مدير أمن الدقهلية إخطارا يفيد بورود بلاغ لمأمور مركز شرطة السنبلاوين، حيث أفاد الإخطار أن أهالي قرية برهمتوش التابعة لمركز السنبلاوين، قد حصلوا على كفلة صغيرة حديثة الولادة، ملقاه في الطريق وبجوارها حقيبة بها ملابسها ورسالة غامضة.
حيث تعود تفاصيل الواقعة، إلى سماع عدد من أهالي قرية برهمتوش، لبكاء طفلة صغيرة لفترة طويلة ومن ثم عثروا عليها ملقاه في أحد الشوارع على جني، وكان بجوارها حقيبة ومعها رسالة غامضة، وعلى الفور قام الأهالي بإبلاغ مركز شرطة السنبلاوين، وتحرر عن ذلك المحضر اللازم بالواقعة وتم ايداع الطفلة للمستشفى لتلقى الرعاية وأخطرت النيابة العامة.
حيث جاء نص رسالة الأم الغامضة التي وضعتها بجوار الطفلة كالتالي
“المولود ليه أب وأم بالحلال، واللي يأخذه يقول لأي حد على رقم تليفون أو عنوان عشان أقدر أوصله لما النفوس تهدى وأرجع أخدها من تانى.. عشان خاطر ربنا خلوا بالكم منها”
متنفعش كلمة لقيطة دي، حتى لو الطفلة جاية من علاقة مش من جواز، لأن الطفلة إللي لسه مبتعرفش تتكلم أو تأكِّل نفسها أو تأدي أبسط احتياجاتها مينفعش نحملها ذنب إللي جابوها للدنيا. ثانياً، إللي حطها الحطة دي، سواء أب أو أم، وفي الغالب أم غِّلاوية شرانية، لازم يتعاقب عقاب رادع، والعقاب يبقى على حسب الملابسات، ممكن غرامة مالية ممكن خدمة مجتمعية ممكن منع حضانة الطرف المذنب لفترة من الوقت أو نقل الحضانة للطرف التاني لوحده بشكل دائم وآخرها ممكن السجن. وبتوع حقوق المرأة والطفل محتاجين يشتغلوا على تشريعات للحالات دي بدل من شغلهم على إزاي الواحدة تذل راجلها في الجواز وفي الطلاق!!! في الغرب لو أم أو أب سابوا طفلهم جوه العربية ونزلوا يشتروا حاجة من الصيدلية مثلاً والشرطة شافت الطفل جوه العربية لوحده بتتحبس الأم أو الأب إللي عملوا كده، لأنه تعريض حياة الطفل للخطر. أي شيء ممكن يحصل للطفل لما يتحط لوحده بدون حد كبير يحافظ على سلامته، وعشان كده الطلب بتاع سيبوا رقم أو عنوان ده بينم عن عقلية مش بس مريضة لكن كمان جاهلة وغبية، طب ما كنتوا تسيبوا الطفلة قدام أي مؤسسة خيرية أو جهة حكومية معروف تليفونها وعنوانها؟!!!