انتبات حالة من الغضب مواقع التواصل الاجتماعي “فيس بوك وتويتر”، لاكتشاف النشطاء ورواد التواصل الاجتماعي حقيقة “فتاة الهامبرجر”، التي تحدث عنها الرئيس عبدالفتاح السيسي، خلال الحديث عن مشكلتها في المؤتمر القومي الثالث للشباب بالإسماعيلية، كبائعة على عربة برجر متنقلة لكسب لقمة عيشها.
إلا أن نشطاء التواصل الاجتماعي عبروا عن حزنهم الشديد لعملية الخداع التي قامت بها الفتاة للمصريين جميعا وجعلتهم يتعاطفون معها، بعد أن كشفت شخصية بائعة “الهامبرجر” الحقيقية.
وجاءت ردود مواقع التواصل الاجتماعي بكشفهم عن حقيقة “فتاة البرجر” كالآتي:
كتب ناشط أن “بائعة البرجر الغلبانة في مؤتمر الشباب طلعت ممثلة.. ياسمين رحيم بتاعة عربية البرجر هي ممثلة سينما وإعلانات مش مجرد فتاة بسيطة.. ياسمين رحيم عملت عدة إعلانات أشهرها دورها في إعلان شركة اتصالات اللي ظهرت فيه كموظفة خدمة عملاء وجملتها الشهيرة “ده احنا هنعمل لولولولولولي فرح”.. وعملت إعلان موبينيل كانت بتقول فيه “أجري يا مجدي “.. وعملت إعلان عصير فروتي…”.
وكتبت ناشطة أخرى دي “بائعة الهامبرجر “مش بنت غلبانة”، دي ممثلة في السينما والدراما.. مثلت مع محمد هنيدي في “مسلسليكو”.. ومثلت في فيلم “رامي الاعتصامي” ودور صغير في فيلم “طير انت”.. وفيلم “حلم عزيز” مع أحمد عز.. وفيلم “30 فبراير”.. ومسلسل “سر علني”.. وفيلم “جيم أوفر”.. هي دي ياسمين رحيم اللي ادعت أنها بنت بسيطة غلبانة عملت عربية برجر بدل البطالة والبلدية شالتها.. فاكرين الواد بتاع الفريسكا!”.
وقالت أخرى، إنها شخصية غير سوية، “الناس بتفترض حسن النية إلى أن يثبت العكس عارفة.. لكن البنتين دول كان ظاهر على مستواهم مصدقتهمش لسبب بسيط ويمكن ساذج؛ لو كان ممكن البنت في مصر تعمل ده، كنت عملته أنا، ياريت ينفع أكسب كويس لأني حعمل أكل جديد محدش حيبيعه غيري؛ لكن مينفعش بنت تقف الوقفة دي عندنا ولو بترخيص.. مش مهم بقي الفيلم اتعمل ليه.. الدليل الوحيد اللي أملكه اننا قدام شخصية غير سوية وده كان السبب وراء نزولها الشارع تبيع فيه برجر…”.
https://www.youtube.com/watch?v=_Cy1-m8SAZU
ودون آخر؛ “الحقيقة هي فعلًا ظهرت في إعلانات قبل كده ومثلت مع محمد هنيدي، بعيد عن كل ده كان فيلم هندي ولا مش فيلم هندي، مع تقديري للهند وأفلامها الجميلة”.
وتابع آخر معلقا: “يعنى بعد ماتطلع ف الـtv وإعلانات وفلوس حلوة معقولة هتنزل تشتغل على عربية برجر في الشارع مش شايفين إنها وسعت أووي منها.. الحركة ده سيئة هما فاكرين دى شعب جاهل”.