فن الطبخ رائع وجميل ويعشقه الملايين من الرجال والسيدات , لذلك يبحث الكثيرين عن طرق تحضير اشهى الاكلات وتطبيقها ليتقنوا تحضيرها , واليوم هنتعلم كيفية تحضير تورتة عيد الميلاد علشان كل اطفالنا , وكمان علشان اعياد الزواج وعيد الام وغيرها من المناسبات السعيدة اللى بنحتاج فيها عمل التورتة , واليوم هنتعلم طريقة تحضيرها من ايد الشيف حسن كمال الذى امتعنا بحلوياته الجميلة , الطريقة بسيطة وتقدرى تستخدمى فيها مكونات كثيرة من المتوفرة عندك , هنعرف المقادير وطريقة التحضير وننفذها سويا , وبالهنا والشفا .

المقادير :-

 5 بيضات
1 معلقة فانيليا
كوب سكر
كوب دقيق و ربع
ملعقة كبيرة بيكنج باودر

مقادير الحشو وتزيين التورتة

 1 علبة قشطة
علبة مربى1
قطع فواكه مشكله حسب الرغبه
 1 علبة كريم شانتي

طريقة التحضير

نضرب 5 بيضات مع ملعقة الفانيليا وحدهم أولا لمده لا تقل عن خمس دقايق بالمضرب الكهربي لحد ما الخليط يبقى كريمي اللون , نضيف كوب السكر أثناء الضرب وأستمر في الضرب , بعد ما يعلى الخليط معايا نضيف الدقيق و البيكنج باودر شوية شوية عشان الخليط ميهبطش , نستمر في الضرب قليلا حتى يتمازج الخليط تماما , نصب الخليط في الصينية المدهونة ثم نضعه في الفرن على نفس نار متوسطة  ( بنجهز الفرن مسبقا ونضبطه على نار متوسطه ) , ونبدأ بفى تجهيز الزينة والحشو , وبعد خروج الكيكة الاسفنجية نتركها فترة حتى تبرد تمام , ثن نجهز سكين وندهنه بقليل من الزيت ونمررها فى وسط الكيكة ونرفع الجزء العلوى ونضيف القشطة والمربى على الجزء السفلى وقليل من الكريم شانتيه , ونضع الجزء العلوى من الكيكة ونزينها بالقشطة والكريم شانتيه وقطع الفواكه حسب الرغبة , وايضا نضيف على الجوانب الكريم شانتيه , ونضعها فى الثلاجة الى حين تقديمها .