استنكرت حكم كرة القدم يارا عاطف، الهجوم الذي تعرضت له بعد اختيار لجنة الحكام باتحاد الكرة المصري لها كحكم مساعد في مباراة بيراميدز والنجوم.
فعلقت “عاطف” خلال استضافتها مع برنامج “حديث المساء” المذاع على قناة “أم بي سي مصر الفضائية” قائلة “والله أنا لما اتبلغت بالماتش يوم الخميس، لما روحت البيت جيراني واصحابي والبيت عندي بدأوا يقولوا لي إن الناس بتتكلم عليا وبيقولوا إحنا ناقصين، فأنا كان عليا ضغط ورايحة الماتش وأنا معايا كومنتات سلبية جدًا”.
وأردفت عاطف قائلة “في ناس كتير وقفت جنبي ودعمتني، بس كنت مستنية ترحيب أكثر من كده، لأن بره مصر مرحبة بينا جدًا، في ماتش غانا والجابون في مصر، كنت بلعب في العاصمة، وهناك الناس بتحب الكرة جدًا، فكنت أتمنى في بلدي مصر الدعم يكون أكثر”.
وأضافت عاطف قائلة “انتقدوني عشان بنت، وعشان الحجاب، ويقولوا إجنا سايبينكم في البيت عشان نلاقيكم هنا في الملعب، واجهت ده بإني أنزل الماتش وأنسى كل الكلام ده، لأني لو نجحت في المباراة هفتح الباب لأصحابي اللي في منهم ناس أحسن مني بكتير”.