بدأ الإعلامي عمرو أديب حلقة اليوم من برنامجه “كل يوم” المذاع على قناة “أون تي في” بالتعليق على هاشتاج “أبو تريكة في كأس العالم”.
سخر أديب من الهاشتاج قائلًا :”قاعدين ومبسوطين إننا وصلنا لكأس العالم، ولقينا دعوات ما تاخدوا أبو تريكة، ثم تحولت لهاشتاج كبير أبو تريكة في كأس العالم، طب ما كابتن محمود الخطيب مش وحش نرجعه بقى ويدرب الكام شهر الجايين، أصل إحنا رايحين نتفسح في كاس العالم، طب ما شوبير جون كويس جدًا نجيبه معانا”.
وقال أديب :”على فكرة أنا من مؤيد لأبو تريكة خلقة ولعبه وهو من أحسن اللاعيبة اللي جت في ال20 سنة اللي مضوا، بس أبو تريكة مين اللي بطل من سنتين اللي نجيبه في كأس العالم”.
وأضاف أديب:”لو مكان صلاح وقاعد في لندن وسط الإنجليز ولقت حد بيقولك جيبوا أبو تريكة، الناس دي سفت التراب وتعبت عشان تتأهل، أما ده راجل خلص كرة من زمان والموضوع خلص، ده إن دل على شيء يدل على إننا شعب مش بيحب يتقدم”.
وكان كابتن محمد أبو تريكة قد رد على الهاشتاج قائلًا:” مشاعر طيبة أشكركم عليها، ولكن الواقعية أفضل ونحن لانسرق مجهود الآخرين فهـؤلاء الرجال يستحقون التواجد وحدهم في هذا الحدث”.