موقع الفيس بوك، يعتبر الموقع الأشهر عالمياً، وهو سلاح ذو حدين، قد يضر، ولكنه كثيراً ما ينفع، كالحالة محل النقاش، والتي سنعرضها عليكم في هذا المقال.
نشرت إحدى السيدات، «بوست تحذيري»، على إحدى مجموعات الفيس بوك، ويسمى ” تجربة ”، ويحتوي على أكثر من نصف مليون مشترك، والهدف منه تبادل الخبرات، والتجارب مع بعضهم البعض، حتى يعم النفع على الجميع.
يهدف البوست الذي نشرته ” همس الورود “، أحد أعضاء جروب تجربة، إلى تحذير الناس من خطر، ترك مصابيح المنزل، أو أياً من الأجهزة الكهربائية دون اطفائها في حالة مغادرة المنزل، حيث أنه من الممكن، أن تنفجر تلك الأجهزة أو اللمبات، وربما يؤدي ذلك إلى انبعاث النيران منها، فتحرق كل ما في الشقة.
نص منشور «همس الورود» على موقع تجربة
انهارده حاجه حصلت قولت اقولها ليكو عشان كل واحد ياخد باله ..
انهارده وانا قاعده في الشقه كان معايه ولادي بس في الشقه وجوزي كان في الشغل ساعتها.. مكنش موجود
المهم كنت بعمل الغدا في المطبخ وفجاه سمعت صوت حاجه اتكسرت كدا قولت لما اروح اشوف الولاد عملو ايه او كسرو ايه روحت لاقت اللمبه اللي في اوضه الاطفال اللي هما قاعدين فيها لاقيتها انفجرت واتكسرت وولعت كدا لوحدها لاقيت اللمبه عماله تولع وتسيح وكدا وطبعا اللي بيسيح بييقع علي السجاده المهم شلت السجاده وولادي عمالين يعيطو ويسرخو وانا مش عارفه افكر المهم روحت علطول فصلت الكهربا وبعدين مش عارفه اطفي النار مكان اللمبه ومش عارفه اصوت ولا اقول لحد ولا حاجه روحت جبت جلبيه وغرقتها مايه ورحت رمتها علي النار اللي في السقف مكان اللمبه قامت النار انطفت الحمد لله
حبيت بس اقولكو ان ياريت اي حد خارج رايح هنا ولا هنا ياريت يطفي الانوار وكل حاجه في الشقه قبل مايخرج..وربنا يسترها معانا..