التخطي إلى المحتوى
مواصفات وسعر تابلت اينار فى مصر

اليكم مواصفات وامكانيات تابلت اينار Inar المصري اول جهاز لوح مصرى من إنتاج مصانع شركة بنها للصناعات التكنولوجية الذى يعمل بنظام اندوريد 4 ايس كريم ساندتش ، والان انتم على موعد مع تقرير خاص يتمضن مواصفات ومميزات الجهاز وكذلك سعر التابلت فى الاسواق .

مواصفات تابلت اينار

Rockchip 3066, Dual-Core, ARMv7 (VFPv3,NEON), Quad, Mali-400 MP نوع المعالج
1.6 GHz سرعة المعالج
1جيجا الرامات
LCD TFT Ips 720*1024 9.7 بوصة شاشة
8 جيجا بايت ذاكرة داخلية
حتي 32 جيجا بايت ذاكرة خارجية
0.3 ميجا بيكسل كاميرا امامية
2.0 ميجا بيكسل كاميرا خلفية
مزود ب Mini HDMI مزايا أخرى
يدعم خاصية USB OTG
يدعم اتصال WiFi و 3g USB modem
بطارية 4 ساعات شغل متواصل و16 ساعة في وضع الاستعداد
بيتشحن من 0 ل 100% في 5 ساعات كحد اقصي
وزنه 750 جرام
سمكه 0.9مم

سعر تابلت اينار فى مصر

يبلغ سعر تابلت 1500 جنيه مصرى تقريبا ولكن لم يتم طرحه فى الاسواق المصرية حتى الان .

صور تابلت اينار

 

 

 

alt

 

قد يهمك أيضًا

التعليقات

  1. مفيش ع فكره الكلام الي انت بتحكي فيه دا يااابرنس التابات كلها كاميراتها مش عاليه اخرها مثلا 3.5 ميجا بيكسل يعني دا الطبيعي

  2. بعيداً عن كل الكلام ده .. انا مبسوط ان عندنا تابلت مصري سعره كويس و امكانياته كويسة و يارب يكون معمر و يكون ضمانه كمان كويس … بالنسبة لهو مصري بمكونات صيني فاي حد بيفهم فالاجهزة و الالكترونيات بيبقى عارف ان مفيش بلد بتعمل كل حاجة .. و خصوصاً من اول مرة

    و بالنسبة لان هما يقولو صناعة مصرية 100% فده كلام الدعايا اللي بتعمله اي شركة زي ما بيقولو ياباني 100% و هو نص صيني و النص التاني كوري و اليابان معملتش حاجة فيه غير الديزاين و الضمان … ده طبيعي و معروف

    التصميم (اللي هو البوردة بتجميعتها و لحامات مكوناتها) هو ده التكنولوجيا اللي بتحدد الجهاز ده مصري وله صيني و بتحدد كفاءته

    الموضوع عامل زي الكيكة .. ربنا اللي خلق البيض و اللبن و احنا بنخلطهم و نسويهم و نقل عملنا كيكة … و سيبوكو من كل ده و خلونا نشوف الجهاز كويس وله لا دي اهم حاجة

  3. مش معني ان بعض المكونات اجنبيه انو مش مصري فعلا زي ما قال الاخ حسين كمال حتي شركات امريكا بتصع في الصين وتقول امريكي لاكن اي دوله في العالم بتصنع المكونات الاساسيه مثل السيليكونات من مقاومات وكوندنثرات وترانزستور وثايرثتور وخلافه ولا اعتقد انك عرفت هذه المكونات كلها تصنع بالصين حتي للمنتجات الامريكيه واعلمك ان الطائرات الحربيه الامريكيه واجهزه الرادار واجهزه الاشاعه وخلافه كل مكوناتها صيني لاكن في النهايه منتج امريكي ولو احنا في مصر حبينا نصنع بس البروسيسور فقط لازم نعمل مصنع كلفته اكثر من 100 مليار دولار فهل تضمن سوق لهاذا البرسيسور كي تكلف مصر مصنع له ام ف النهايه سنصنع ولن نجد من يشتري منا وذلك عائد الي الاتفاقيات الدوليه

  4. الشركه حسب تصريحاتها لم تستخدم مكونات مصريه 100% بل استخدمت مكونات بعضها مصرى وبعضها من شركات عالميه اخرى لها خبره فى هذا المجال ويكفى ان الجهاز ماركه مسجله مصريه وخطوه على طريق التكنولوجيا وسيظهر بعد البيع والتجربه مميزاته وعيوبه فارجو الا نتعجل الحكم على شئ لم نراه بعد

  5. برب انا البوب التابلت مصري و هيتم يبقي تبع شكة المصرية للاتصالات ابقي شوف الجزيرة مباشر مصر و شوف المصنع و هم بيصنعو

  6. والله حاجة تضحك فعلا ههههه يعني جوحل شركة كبيرة ولها خبرة كبيرة عشان ملهاش فى الالكترونيات بدأت مع شركات زي سامسونج وLG ولغاية دلوقتى لسا جوجل مش بتنصع اجهزتها بنفسها بس جوجل عملت نظام تشغيل احنا ولا نظام تشغيل ولا مكونات طب حد يقولى احنا عملنا ايه شركة زي ابل اللي بيقول المكونات صيني دا ميعرفش حاجة ابل شركة قديمة من زمان بتصنع الحواسيب ازاي يعني عاوزين تنطو السلم مرة واحد لو كنا عملنا نظام تشغيل وكنا استعنا بشركة كنا نقول ماشي ونبدأ انت عاوزين تنطو مرة واحدة مصر فيها مبرمجين كتير استعينو بيهم واعملو نظام تشغيل واستعينو بشركات فى الاول تصنعلكم حواسيب بعدين واحد واحد تبدأو تصنعو قطع قطعة لحد لما يبقي مصري بالكامل لكن تجيبو حاجات صيني علي نظام تشغيل من جوجل وتقولو مصري سوري فى اللفظ دي سرقة…

  7. الناس اللي بتتكلم وبتقول ان كل حاجة في الجهاز جيبنها من برة احب اقلهم انكم فسااااااااااااااد عشان موتو الجهاز قبل منشوفو واللي زيكم هما اللي محطمين افكار الناس على العموم لما الجهاز ينزل السوق بلاش تجيبو طبال مهو مش عجبكم انا يكفينى انه صناعة مصرية حتى لو الجهاز اداءه وحش بس بداية مشرفة وربنا يجعل مصر مرفوعة ديما …………………….

  8. خطوة على الطريق الصحيح ﻷم الدنيا
    اما عن المشككين فى صناعة التابلت والاجزاء المستوردة اسمحلى اقولك انك لو تعلم ان شركة ابل بجلالة قدرها لا تملك فى الايفون والايباد والايبود غير نظام التشغيل والتصميم فقط حتى شركة سامسونج الكورية وهى الوحيدة فى العالم القادرة على صنع اجهزتها بلكامل تستورد معالجات من شركة كواليكوم احيانا مع انى من عشاق اتش تى سى انما الحق يقال فلا تلوم على شركة بنها لاستيراد بعض المكونات مثال المعالج لو حبت تصنعو لازم مصنع يكلف مليارات الجنيهات لانه شغل نانو وما ادراك ما النانو فا افضل ان تستوردها من شركات متخصصة كا شركة كواليكوم او نافيديا او ايه ار ام وهذا ليس عار انما العار ان تفتي بغير علم

  9. انا لسة شايف فيلم عن مراحل تصنيع التابلت دة و انا اتكلم عم جقائق شفتها بعينى
    اللوحة المطبوعة نفسها مصنعة فى مصر و " المزر بورد " الى بيتاخد عليها براءة اختراع زى الايباد كدة و لكن المكونات الراكبة عليها مجبوش سيرتها فأعتقد أن بعضها مصرى و بعضها مستورد لخفض التكلفة هما ذكروا ان الشاشة و البروسيسور و البطارية فقط فقط فقط مستوردة و لم يتكلموا عن المايك و الكاميرات و سينسور لحركة و الكاميرات الدقيقة و سينسور الاضاءة و دوائر البلوتوث و المكثفات و المقاومات و دوائر التحكم ووحدات التبريد أنا أعلم ان قدرات المصانع الحربية عالية و تستطيع انتاج كل المكونات سابقة الذكر لانها تنتجها بالفعل و لكن ليست العبرة بمجرد الانتاج و لكن هل تكلفة الانتاج لتلك المكونات لن ترفع ثمن الجهاز فتم اللجوء لأستيرادها من شركات متخصصة فيها فقط أم ماذا …….
    على كل حال خطوة للأمام و أنا ذهلت عندما علمت ان الفكرة بدأت منذ عام فقط و اثمرت عن هذا الجهاذ …..
    الشىء السىء فقط هو السمعة السيئة لأجهزة تشالنجر و حاسبات تشالنجر التى ينتجها نفس المصنع فهل الحاسب اللوحى سيختلف …………….. اتمنى و الله ذلك ؟؟؟؟؟
    شجع صناعة بلدك و اشترى المصرى شارك فى بناء صناعة جديدة بمصر و لا تشكك فى قدرات ابناء بلدك .

  10. السلام عليكم (( انا عارف ان كلامى هايطول بس استحملونى اسف ))
    انا شايف ان اكتر اللى بيتكلموا مايعرفوش حاجه عن اسعار ولا المكونات ولا نظام اندرويد ولا مهتمين بيها
    ابل لا تملك فى الايفون الا التصميم وانما الموبايل نفسه كله شركات كوريه وصينيه وبيتجمع فى الصين اما وشركات كتير كده يعنى ممكن تلاقى اتش تى سى بتستخدم الشاشه من سامسونج وسامسونج وبتستخدم كاميرات سونى وبعدين الموصافات مناسيه جدا مع السعر وبعدين اللى بتكلم عن موضوع الكاميرا نكسوس ( التابلت الرسمى لشركة جوجل ((16 او 32 جيجا غير قابله للزياده ومافيهوش غير كاميره واحده قدام ونفس الرزليوشن بتاع الشاشه باقى المكونات اعلى بكتير )) بيتاه تقريبا بـ 1400 جنيه بس فى دول معينه ولو حبيت تجيبه مصر هايعمل تقريبا 2300 جنيه يعنى من الاخر بالنسبه لاول مره وعدم وجود خبره سا بقه التابلت مرضى بنسية 70% (( اسف على الاطاله مره اخرى))

    1. احب اعرفك ان انت اللى مش عارف حاجه وعاوزك تقولى احنا صنعنا ايه فى التابلت ده كمنتج ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

    2. هو انت مبتفهمش ؟؟ بنقولك كل الشركات العالمية المتخصصة بتعتمد علي مكونات صناعه شركات تانيه وبيكون لها التصميم وبراءة الاختراع بس … بطلوا فتي وهري وحقد جتكم قرف مليتوا البلد

  11. قررت اشتريه ولو هيشتغل يمومين فقط …… المهم انه صناعه اولاد بلدى …… المهم اننا اتحركنا

  12. يا جماعه موضوع اننا مجمعين الكلام ده |… تفكير صح … لان تكاليف انتاج كل قطعه لوحده او كل مكون هتكون عاليه جدا علينا خصوصا اننا لسه فى البداية … وده بيرجع ان ادارة الانتاج فيها حاجه اسمها Make or Buy Decision … يعنى الادراة بتشوف ال يوفر ايه مع وجود جوده كويسه .

  13. يا جماعة اللي بيقول المكونات صيني أحب أقولهم إن الأي فون اللي في إيدك دة شاشة و بروسيسور سامسونج كوري و التجميع صيني ولا تملك أبل فيه إلا الشكل والتصميم …. يعني زي التابلت دة بالضيط
    لما نكون احنا اللي عاملين البوردة و الكيسنج فدي بداية كويسة جداً وكمان مواصفات ممتازة … وإن شاء الله المرات الجاية مواصفات أحسن وصناعة مصرية أكتر

  14. مين قال ان الكاميرا اصلا في التابلت عالية كل الأجهزة اللوحية يوم ما تكون انظف ماركة سامسونج وثمنه ب2500جنيه بتكون الكاميرا 3 م بكسل وشوية والاجهزة الصينية زي الإكس تتش نفس مستوى الكاميرا في التابلت المصري…هو موبيل؟؟؟؟؟

  15. احنا مش مشكلة اننا نجمع المشكلة اننا ندعي اننا اللي مصنعينه 100% والناس تصدق
    احنا اكيد نفرح لما نعمل حاجة حتى لو صغيره انما اننا نشتري اجزاء ونجمعها ونقول عملناها كلها يبقى احنا كده بنكذب وبنصدق كذبنا
    على العموم الحكاية مش سهلة ومش من اول مرة اكيد واتمنى تكون خطوة في الطريق ومانعتمدش عليها ان احنا كده وصلنا

    1. مين قال اصلا انه تصنيع مصري 100% ؟؟ قالوا تصميم مصري 100% …انتوا اللي بتكدبوا وتصدقوا نفسكم عشان تشوهوا بس اي حاجة … اعوذ بالله من الكره والحقد

  16. فى ناس مبتعرفش تشوف غير السىء ,, ربنا يهديكم , وربنا يتقبل ويوفق اللى تعب فى هذا الانتاج

  17. فى ناس مبتعرفش تشوف غير السىء ,, ربنا يهديكم , وربنا يتقبل ويوفق اللى تعب فى هذا الانتاج

  18. فى ناس مبتعرفش تشوف غير السىء ,, ربنا يهديكم , وربنا يتقبل ويوفق اللى تعب فى هذا الانتاج

    1. يا سعادة الريس التابلت دعه مواصفاته اهى وان كنت انا كداب كدبونى
      نظام تشغيل Android لشركة google الأمريكية
      بروسيسور NEON من انتاج شركة ARM البريطانية
      رامات من انتاج شركة JEDEC الأمريكية
      شاشة TFT LCD انتاج سامسونج الكورية
      ميمورى NAND flash انتاج سامسونج
      استيكر مطفى نص لمعة انتاج بنها للألكترونيات المصرية
      مصرى ازاى بقى ؟؟؟؟؟؟؟

    2. من الواضح ان معلومات حضرتك قيمه جدااااااا……
      اولا احب اعرفك معلومه عشان شكلك متعرفهاش .
      نظام الاندرويد ده سامسونج وسونى وhtcوهما اكبر الشركات اللى فى العالم بيشتغلو بيه
      ثانيا مفيش بروسيسور بيتصنع اصلا فى بريطانيه البروسيسور فى ماليزيا وعلى فكره مفيش غير دولتين بس اللى بيصنعوا البروسيسور فى العالم وحتى امريكا مش بتصنعه بتستورده
      ولا حتى فى شركه امريكيه بتصنع رامات دى بجد اول مره اسمعها فى حياتى
      الشاشه من انتاج ال جى وهى اللى بتصنع لسامسونج مش العكس ولشركة ابيل كمان
      وبالنسبه للميمورى نفسى اعرف مين فى العالم جاب ميمورى سامسونج ده يا استاذ الميمورى سونى وكمان اللى فى الجهاز مصرى
      اخيرا الجهاز ده مصرى بس تقريبا انت اللى مش مصرى
      وممكن اتقبل كلامك ده واعتبره كدبت ابريل
      ابوس ايديكوا اسئلوا قبل ما تكتبوا زى البغبغانات

    3. حاقد كل من يتخيل ان نظام مبارك وجهله موجود ياأخى بشر ولا تنفر على العموم معلوماتك كلها غلط ومافيش دوله بتنتج شئ 100%

    4. برب انا البوب والمواصفات دى بقى جبتها منين يا برنس وبلد الصنع جبتها منين ؟

    5. يا حبيبي لو انت بتقول ان التابلت متقطع بالطريقة دي من كل دولة شوية يبئى تكلفته هتعدي الـ 2000 جنيه

      فكر وتيقن قبل ما تهرتل

  19. طبعا حاجه جميله جدا لكن اكيد المكونات كلها من الصين طبعا واحنا ماعلينا سوى التجميع وكمان سعره غالى جدا على مكوناته

    1. اي صناعة بتبدأ بالتجميع
      بس المهم البداية و الأهم منها التطوير و التحسين و القدرة على المنافسة في السوق

    2. مش اي صناعة بتبدء بالتجميع يعني مثلا انا ممكن اقعد عمري كله بجمع عربيات كده انا بصنعها ؟؟؟ ولا التابلت ده انا لو ماعنديش التكنولوجي لتصنيع المكونات بتاعة التابلت وماتعلمتش ازاي بتتعمل هاصنع منه ازاي 🙂

  20. الحمد لله ان في تقدم بدل مانفرح وندعم الفكر لالالالا ازاي مي صحش لازم نتريق ونعلق علشان يحرمو يعملو حاجه اصلا ربنا يستر

  21. لية الكاميرا 2ميجا بس

    احنا يووم مانعمل حاجة عدلة لازم نحط التااتش بتاعنا فيهاا نقووم نبوظة :/

    بااقى التابليهاات الكاميرا فيها 8 ميجا و12 ميجا كماان

    احنا عامنها 2 بس :/

    1. هو احنا ماينفعش نشكر الايد المصريه على الصناعه ابدا لازم نطلع فيها عيب صحيح ملقوش فى الورد عيب قالو ده احمر الخدين

    2. مش قصدي أحبطكم … بس مصر مش مصنعة حاجة في التابلت ده غير العلبة بتاعته

    3. لكن مصراخذت فيه ماكة وعلامة مسجله باسمها يعنى لو بنفس المنطق يبقى ماليزيا والصين واليابان ………….

    4. دى لسه البدايه غير كده مش هتلاقيه زاى السمسونج تاب و الاى باد
      هتلاقيه متقحرت شويه بس كويس

    5. مفيش تابلت بكاميرا عالية الا الماراكات العالمية زي السامسونج وثمنها يعدي ال3000جنية والكاميرا 3 ميجا بكسل بالكتير اما الصيني زي الاكس تتش نفس مستوى الكاميرا في التابلت المصري والتابلت الهندي اندكس برضه نفس الكاميرا ..ده تابلت مش موبيل!!!!

    6. انت متاكد ان باقي التابات زي ما بتقول :d ابقي ادخل بس تصفح وقولي لسه مقتنع بكلامك

    7. @مصطفى الفار : شكلك مشفتش الفيديو داخل مصنع بنها .. إبقى شوف الفيديو يا أخى جيدا وبعدين اتكلم عن التابلت.

اترك تعليقاً

لن يتم نشر عنوان بريدك الإلكتروني.