اللحوح من المعجبات اللذيذة والمعروفه فى اليمن وتتعدد استخدامها ويعشقها اليمنيين ، لذا نقدمها لكم اليوم على مصر فايف ونرجو ان تنال اعجابكم ، الوصفة غير مقتصرة على المطبخ الينمى فقط فهى لذيذه جدا ومغزيه وتشبه الكريب فى مصر وبامكانك استخدامها فى العديد من الاكلات .
المقادير:.
كوباية دقيق
كوب دقيق اسمر
ملعقه خميره
ملعقه ملح
ماء للعجن
ربع كوباية دقيق لعمل الشربه.
الخطوات :.
اولا نخلط كوب الدقي والدقيق الاسمر والملح والخميرة ونعجنهم ونسيبها تخمر.
فى نفس الوقت نعمل الشربه كالاتى
نخلط ربع كوب الدقيق بكوب ماء ونضعة على النار ونقلبه حتى الفورات ونسيبة دقيقتين يغلى وبعدين اطفى وسيبيه يبرد .
نضيف الشربه مع العجين اللى خمر ونفضل نضيف مية لحد مايبقى العجين سائل واخف من عجينة الكيك ،ونسيبها تخمير هتعرفى انها خمرت لما تلاقى على السطح فقاقيع .
نحضر طاوة ( مقلاة بالمصرى ) ندهنها زيت بقطعة قماش او فرشاه وبعدين حسب حجم الطاوة اذا كانت كبيرة نسكب العجين حوالى كوب فى المرة واذا صغيرة يبقة نص كوب ، ونسكب العجيب على الطاوة بعد ماتسخن ونسيبها شويه لحد مانلاقيها تفتحت زى الفتحات الصغيره ونقفل عليها بالغطاء. لما نلاقيها اطرافها احمرت نرفعا من عل الطاوة وهكذا مع باقى المقدار حتى ينتهى .
*** ملحوظة نمسح بقطعه القماش المبللة بالزيت الخفيف بين واحده واخرى.
**** ملحوظة لابد ان تتركيها حتى تبرد فلا تلفيها ولاتضعي واحده فوق الاخرى حتى تتاكدي انها بارده تماماً