زيادة الوزن من المشكلات التى تؤرق المراه عموما وخصوصا بعد الولاده فتزداد حجم البطن والخصر والارداف وتصبح المراه مكتئبه بسبب شكلها وقد يصيبها اكتئاب ما بعد الولاده ، والنهارده جبنالكوا وصفات مجربه لو اتبعتوها هتخسوا لحد 20 كيلو ، وكمان مفيده جدا للبن والبيبى يعنى هتخسى وتغذى طفلك ، الوصفات ابدايها بعد شهرين او تلاته من الولاده .
اولا اشربى مية كتير جدا ولبن خالى الدسم ومشاريب دافية كتير وكمان هتفيد الطفل وهتنزلة فى اللبن عليكى بقى بالينسون والشمر حلو قوى وبيزود اللبن وكمان اشربى نعناع وينسون وتيليو .
ثانيا : امنعى الرز و كلى ربع رغيف فى الفطار و كلى خضار مطبوخ نى فى نى او شوربة خضار او شوربة عدس و سلطة طبق كبير دة اساسي كل يوم عالغدا و اللحمة يا مسلوقة يا مشوية و الفراخ و كلى سمك و اتعشي زبادى و برتقال و ممكن سلطة خضرا كمان.
ثالثا :. اشربى نص كباية مية مغليه عالصبح وامنعى تمام المشروبات الغازيه والشيبسيات .
رابعا :. الشوربة بدون لسان عصفور ولا سمنة و لو حتشربي عصير بلاش المعلب الفريش احسن بكتير .
خامسا :. حاولى تمشى ساعة يوميا والخضار كلى منه كتير واهم حاجة متنسيش ان الرضاعه تساعد على الحرق يعنى رجيم طبيعى .