الكشرى المصرى من الاكلات المميزة والمحببة لدى المصريين والتى تنتشر فى مصر وتشتهر ويحبها المصريين رغم بساطة مكوناتها على الرغم انها اكله غير معروفه فى باقى الدول العربيه تقريبا ولكن حينما يتذوقها غير المصريين يحبونها كثيرا ويرغبون فى تعلمها ، واليوم نقدمها لكم فى موقنا مصر فايف للمصريين وغير المصريين ونعدكم بانها ستنال اعجابكم .
المقادير :.
كوب عدس اسمر او مايسمى عدس بجبه
1كوب أرز مصرى
عدد 4 بصلات متوسطه مقطعة حلقات
عدد 3 حبات كبيرة طماطم
ملعقة صلصة
معكرونة مسلوقة ( مكرونة صغيرة + اسباجتى)
ثوم مفروم
معلقة كبيرة خل أبيض
فلفل حار أو رومى
حمص مسلوق
الخطوات :.
اولا نسلق العدس نصف سليق
ثانيا نحمر البصل فى الزيت على نار هادئة حتى لايحترق حتى يصبح لونه بنيا ويقرمش ثم ينشل من الزيت
ثالثا فى نفس الزيت يوضع الارز المغسول ومعاه العدس و نلبهم وعليهم الملح ونغطيهم بمية ونسيبهم يستووا
رابعا نشوح المكرونه المسلوقه فى حبة زيت صغيرين وعليهم حبة ملح وفلف اسمر ودا قبل التقديم على طول .
طريقة تحضير الصلصة
اربع فصوص توم مفرومين ونفرم معاهم الفلف ونشوحهم فى حبة زيت وبعدين نبشر الطماطم بمبشرة ونضيفهم للتوم والفلف وعليهم معلقة الصلصة والخل والملح والفلف الاسمر ونسيبهم يتسبكوا على نار هاديه .
طريقة عمل الدقه
اربع فصوص توم مدقوقين وعليهم عصير لمونتين ومعلقة خل وملح وكمون وفلف حسب الرغبه ونخلطهم ببعض .
****** نيجى بقى للتقديم بالترتيب كدا فى كل طبق الارز و العدس وبعدين المعكرونة وبعدين الحمص وبعدين الصلصة وبعدين البصل على الوش و الدقة حسب الطلب. وبالف هنا