موعد صرف رواتب شهر يوليو 2015
قانون الخدمة المدنية

أصدرت وزارة المالية المصرية قرارا بشأن موعد صرف رواتب شهر يوليو 2015، وكان قرار وزارة المالية تقديم موعد صرف الرواتب وذلك لاقتراب موعد عيد الفطر المبارك وأيضا بمناسبة بدء السنه المالية الجديدة في يوليو 2015.

موعد صرف رواتب يوليو 2015

ومن المتوقع تأجيل العمل بقانون الخدمة المدنية الجديد وأنه سوف يتم صرف رواتب شهر يوليو 2015 تبعا للقانون رقم 47 لعام 1978م الذي تم إلغاءه بعد أصدار قانون الخدمة المدنية الجديد، وذلك لعدم وصول قرار رسمي حتي الآن من الجهاز المركزي للتنظيم والإدارة عن الهيكل الجديد للأجور.

وحددت وزارة المالية موعد صرف رواتب شهر يوليو القادم وأصدرت قرارها بذلك وسوف يتم صرف المرتبات في 15 يوليو 2015.

التعليقات

  1. يارب الحكومه تعمل على زياده المعاشات لانها لتكفى عندما يخرج العامل على المعاش فانها لاتكفى شئ

  2. عايزين منسكوتش علي القانون دة لازم نعترض عايزين نعمل ثورة الموظف دة اغلب حاجة في البلد في فئات كتير جدا القانون مجش جانبهم في حاجة احنا لو سكتنا احنا اللي هنضيع نفستا نعيش حياة كريمة منخفش من فاتورة كهربا او غاز من خنفش من المستقبل نفسنا نحلم ببكرة انه يكون احسن يلا كلنا ايدينا في بعض ونعترض ولو سكتنا خلاص عليه العوض يلا الحقو نفسكو

  3. قانون الخدمة المدنية الجديد فى غير صالح الموظف وغير راضين عنه خلينا فى القانون 47 لسنة 78 افضل وشكرا

  4. العلاوة للمعاشات مع مرتب يوليو ولا المعاشات ملهمش نصيب في الحياة رمضان كريم وهاتوا فلوسنا حرام عليكم

  5. لوغاريتمات ومتاهات القانون الجديد وانت مش عارف حاجه من هذا القانون والعداله اصبحت بعيده المنال فى ظل هذا القانون العجيب والمريب والى عمالين يمصمصو فى المرتب ويحدخدوا فيه علشان المو ظففى الاخر مايطلعلوش زياده وفى الاخر ياجلوه ويرحلوه وربنا يستر على الناس الى ماتحبش بلدها

  6. ياريت النظر للشركات القطاع الخاص مثلا زى شركة اباء حسن علام اللى بينصبو على العمال الغلابة بيخصمو منهم فلوس تامينات وهما مش مامنين على عامل واحد وبيلعبو بالقوانين وبيمضو العمال على استمارة ستة من قبل ما يشتغلو علشان ما يطلبوش باى حقوق واحيانا يجبرو العمال على توقيع عقد بالاجر اليومى تهرب من الضراءب ومفيش لا تامين ولا تامين صحى ولا حتى مكافاءة نهاية عمل زى ما بنشوف فى جميع الشركات والتعزيزات المالية اللى بتصرف نت القوة العاملة للعاملين غير المنتظمين بينهبوها اقربها اول رمضان كلوها على العمال فين الرقابة على الشركات دى والشركات المماثلة ارحمونا يرحمكم الله

  7. قانون ساكسونيا انظر الى الموظفين الغلابة ياسيادة الرئيس انا واحد منهم مش عارف اشترى لبس العيد لاربع اطفال حرام واللة واللة حرام

  8. مازال الموظف مظلوم الدليل ان اغلبيه الموظفين يعملون عملا اخر بعد العصر للعيشه بشق الانفس الدنيا راجعه لورا وعلي فكره انا مش تبع الارهابيين لكن الياس ملاني من جوه ارحمو من في الارض يرحمكم من في السماء

  9. ياريس ارحم موظفين الحكومة الغلابة الاسعار اللي بتزيد كل يوم وجشع التجار مخليهم يكلموا نفسهم ولا شهر المرتب بيكفي مديونين ومحاصرين ويتخصم منهم ضرايب لية يعني بامارة اية المرتب اللي مش مكفي خلي الضرايب علي اللي بيكسبوا الملايين وسيب اصحاب الملاليم والحد الادني 1200 عفوا يا ريس ما ينفعش اقل من 2500 لتوفير حياة كريمة

  10. يجماعه ليه الدوله متعملش معادله مثلاتعطي مرتبات قليله بس تزود الدعم او تتخيل قيمتها وتبح الدوله بانها القائم علي الاداره مرجعات حساب البنوك لجميع موظفي الدوله وتعيد جدولت القروض لتحسين مستوي المعيشه للافرادوايضا توجد مشاكل كبيره في معظم شركات البلد من المحسبيات والتقارير وانتهاز ككل صاحب كرسي في شركة ما يجعله يقوم بما يحلو له اين اارقابه وامتابعه من جهة الحكومه ومنظناتها علي العام والخاص والاستثماري الخ نريد

  11. للاسف ياحكومة قرارتكم غلط بالنسبة للقانون الجديد الخاص بالاجازات او الرواتب اللي بنقصان او زيادة وصرف المرتبات عن طريق المكن الالكتروني كفياكم سرقة ونهب اكتر من كدة الناس فاض بيها قبل ماتنزل مرتبات شهر يوليو من غلاء الاسعار صدقني ياريس الثورة اللي جاية هتبقي ثورة جياع وقتها لا جيش ولا داخلية ولا حكومة هتقدر تقف امامهم رجعوا قوانينكم وياريت تبقي في مصلحة الغلابة والموظفين بعيدا عن غلاء الاسعار وياريت ياريس تثبت لنا انك بتحس بالموظف الغلبان والفقير واللي ماعندوش وظيفة او دخل ثابت……

    1. والله عندك حق احنا فاض بينا خالصة حد تعيش فى الأسرة راح المرتب كلة على الدكتور والعلاج ونشحت باقى الشهر

    2. انا لسه ما صرفتش مرتب شهر مايو اصل البنك العربى الافريقى يوم الثلاثاء اللى فات لفيت على 3 ماكينات صرافه البن ما فهوش فلوس وانا معوقه مش قادره انزل تانى لنا الله محولنا المرتب عل اسوء بنك تعاملا مع البنى ادميين اتعامل ازاى مع العملا بذهن صافى ولا بضحكه وانتو ضغطيين علينا كده مفروض اروح كام مره لماكينه الصرافه علشان اقبض مرتبى وهو فيه كده افرض محتاجه الفلوس هاعمل عمليه ولا احنا ما عندناش التزامات نوفيها هى المحاسبه فى قانون الخدمه المدنيه للموظفيين بس وللبنوك لا

    3. ارحموا من فى الارض يرحمكم من فى السماء .حسبى الله ونعم الوكيل .مرتباتنا راحت فى قراراتكم
      +الزيادة فى الاسعار والضرائب الجاحفة حتقضى على الاخضر واليابس

    4. والله انا مبسوط من كل كلمه قلتها وانا من اصحاب المعاشات. وكنت اتمنى ان يكون اصحاب المعشات فى حاله افضل. اشمعنى بنقلد الغرب فى كل حاجه واخيرا احذر اياكم. وغضب الشعب.

    5. يا ناس حرام عليكوا هو انتوا بتساعدوا المواطن ولا بتقفوا ضدة وتعجزوه …هو كل عجز في الميزانيه تحملوها للمواطن الغلبان …طب ما تاخد من الغني …هو العقل يقول تاخد من المليارات ولا من الغلبان من رزقه طول ما الحكومه بتخاف من اصحاب النفوذ حتفضل مصر لاصحاب مارينا ومدينه الانتاج الاعلامي ربنا يرحمك يا مصر من سوسك ،،،،،

    1. 30\6 كانت مرة واحدة ضد عبيد المرشد ومش هاتتكرر الا ضد من يمكر بمصر وجيشها،اطمإن انت بس

  12. الى من يهمه الامـــــــــــــر : اتقوا دعوة اصحاب المعاشات الغلابة … لانها مستجابة … ويقول سبحانه .. ادعونى استجب لكم فلا حاجز او حاجب لدعاء المظلوم على ظالمه خاصة فى هذا الشهر المبارك الكريم … فأتقوا الله يجعل لكم مخرجا …….

    1. والله يااخى عندك كل الحق اشتغلنا بضمير ومزتباتنا يسيطه وكنا بنشتغل شغلتتين علشان يدوب نعيش ولما خرجنا للمعاش خدنا ملاليم علشان فلوس المعاشات اتسرقت احنا جيل اتظلم بكل معانى الظلم حسبنا الله ونعم الكيل

    2. انا سايفه ان القانون حلوللمرتب الاساسي المفروض علي الاساسي يظبط الاضافي بس كل المؤسسات يراعي فيها ان تتساوي الدرجات بحيث المرتب كامل في كل المؤسسات واحد حسب ترتيب الدرجات واللي يزعل يشرب من البحر

  13. الهدف الاساسي من قانون الخدمة المدنية هو استنزاف المرتبات وتقليل عدد الموظفين وتنفير الناس من الوظائف وليس فيه اي نفع للموظفين

  14. والمعاشات مفيش نظرة اليهم كل واحد فيهم خدموووو الوطن اكثر من 36 سنة او اقل لا يوجد اى تحسن فى معاشات يوليو

    1. بالرغم من ان المعاشات نصفها أيجار والنصف الآخر دواء الا أن لا يوجد فى الدوله من ينظر الى أصحابها وكأنهم أنتهوا من على الأرض مع انه لابد ان تضع الدوله هؤلاء الذين أفنوا عمرهم فى خدمه المجتمع ,,,الهى لا شكوى الا لك فأنت الأعلم…بخصوص صرف المعاشات لا أعتقد ان يوم 10 يتغير بسبب العيد لأنه بالفعل مبكرا

  15. مجرد روجهة نظر
    الي الساده المحترمون الذين وضعو قانون الخدمه المدنيه الجديد :
    تحيه طيبه وبعد هل من المعقول ان الجهاز الاداري للدوله لا يوجد به من يقدر علي وضع قانون جديد لكنكم تجاهلتم كل الخبرات والهامات التي تعمل بالجهاز الاداري بالدوله كان من الواج ان نشعر باننا شركاء في وضع قاون وسياسه عامه للعمل من العاملين الالتزام ومنكم النظر لمحدودي الدخل الذين اصبحو معدومي الدخل واصبحت الحياة صعبه ومستحيله عليهم في ظل رواتب لا تتحرك ولا تكفي فواتير الحكومه فقط فهل من المعقول ان تلزمني بقانون حازم صارم ولا تلتزم انت بتوفير مستوي مغيشي متواضع
    فالقانون يغيب عته واقع العمل بمصر فما زال الموظف مطلوب منه كل الواجبات وليس له الحق في طلب اي حقوق مازال موظوفون يتقاضون مرتبات خياليه والكثير يعيش غلي رواتنب لا تكفي الاختياجات الكريمه لحياه بشريه متواضعه . ومن يحمينا من تلك القيادات الفاسده والتي مازالت تسري في دماء هذا الوطن سيصبح الموظف فريسه لهم
    لماذا لا يوضع قانون للقيادات في العمل بضروره عمل استقتاء في المصلحه الحكوميه علي اهليته في الاستمرا او الرحيل فكل من يحلس علي كرسي يعتقد انه مخلد فيه في وقت شرع الدستور اربع سنوات لرئيس الجمهوريه فكيف مع هذل يستقيم العمل في النهايه ارجو ان تعيد الحكومه النظر في وضع من يجلسون علي كراسي القياده وسن قانون خاص بهم وصلاحيتهم في العمل ولن يحدث هذا الا من خلال معرفة راي من يعمل معهم
    مع اعادة النظر في الرتبات والامتيزات التي يجب ان يتمتع بها موظفي الدوله
    فالمعلمين ليس لهم اي امتيازات ويعانون من انخفاض الرواتب وتكاليف الحياه الصعبه
    لكم التحيه

  16. انا كنت بصرف معاشى يوم 4 او5 في الشهر دلوقت بصرف يوم 9 او 10 يترى اصرف امتى

  17. اعتقد ان هذاالموعد المعلن لمرتبات الموظفين فقط .انما المعاشات لم يصدر عنها قرار

  18. ادارة دمياط التعليمية لم تصرف بكاملها المكافأة و اللي صرفوا صرفوها بخصم 22% وباقي ادارات دمياط بخصم 12%
    عرفونا بقى هو كل ادارة لها قانون و اللا كلالجمهورية بتنفذ قانون واحد

  19. لم نصرف في ادارة دمياط محافزة دمياط حتى الآن المكافأة و يتم صرفها في كل ادارة بقوانين مختلفة اما تبقوا تتابعوا صرف اللي فات ابقوا فكروا في صرف اللي جاي واللا هتصرفوه بقوانتين مختلفة برضه

  20. ضريبة كسب العمل للعاملين بادارة العاشر من رمضان بمحافظة الشرقية يتم خصم اكتر من الف جنيه منذ العام الماضى من مكافاة الامتحانات لمن هم على الدرجة الاولى علما انه فى بعض المحافظات لم يتم هذه النسبة الكبيرة والموظفون صرفوها وكيف يخضع الموظف البسيط لضريبة كسب العمل لا هو اعلامى ولا طيار ده موظف صغير وايضا حافز الاثابة بعض الناس رفعوا قضايا وتم الحكم بالصف باثر رجعى لبعض العاملين بالدولة فهل من لا يرفع دعوى قضائية لايتم له الصرف ياريت حد يرد علينا نحن العاملين بادارة العاشر من رمضان التعليمية

  21. تيجى بطاطس تيجى بطاطا شوفو هتيجى معاكم ايه
    تيجى قديمه تيجى جديده شوفو هنعمل فالعيد ايه
    نعمل كحك يارب ما نعمل المهم اللبس يا بيه

  22. سوف تظل العشوائية تتحكم فى كل شئ طالما ان الامور تسند لمن لا يصلحون لها ويتخيلون ان اصدار القرارات العنترية والاصرار عليها هو الحزم والقوة ، ان عدم العدالة بين فئات المجتمع فى كافة الميزات سوف يظل قنبلة موقوتة تزيد الاحقاد بين الفئات المقهورة وهى الغالبية من الشعب ضد فئات ثلاث أو أربع تحصل على كل شئ مرتبات عالية ومواصلات مجانية في أفخم درجات السفر وتملك السيارات والمنتجعات و……. والكثير

  23. لا إله إلا الله … محمد رسول الله ! على مدى سنوات عمري الوظيفي 36 عاما لم يحدث أن تاخر صرف المرتب عن موعده ، بل كان يمكن تقديمه لظروف المناسبات الدينية والقومية …. مالذي تريده الدولة من مواطنيها ؟؟؟؟ لقد قامت بتخفيض العلاوة الدورية إلى النصف ، وهاهي تزمع تأخير مواعيد صرف المرتبات !!! هذا لعمري في القياس شنيع !
    … يا أولي الأمر منا ، اتقوا الله في شعب يعيش أكثر من نصف أبنائه تحت خط الفقر ؟

  24. قانون الخدمة المدنية فيه غلط كتير أولها موضوع الإجازة بدون مرتب ده لو الناس دي كلها رجعت الشغل هتوفرو مرتباتهم منين

    1. موقف المعارين صعب جدا فى القانون الجديد
      مطلوب اعادة النظر فيه ﻻنه سوف يسبب مشاكل وارتباك
      ﻻسر ﻻ حصر لها بعد تحديد مدة ﻻعاره باربع سنوات
      خاصة المعارين الحاليين بالفعل

    2. وهما العالم ولاد الوسخة اللى بره دول حاجزين وهابرين برة وجوه الهى يصرفوهم دواء ان شاء الله

    1. والله اخت نانا العلاوة شكلها فنكوش 5% لينا وال5% التانية لحفلة قناة السويس

  25. صرف المعاشات مقسم على ثلاث مواعيد من خلال الشهر فى ناس بتصرف يوم 7/1وناس7/15وناس7/20
    الرجاء التوضيح لمعرفة كيفية صرف المعاش وميعادة صرفة
    كلا على حدا ولكم جزيل الشكر

    1. المرتب التكميلى ….المعاش بقى أية مصيرة ..حيث أنة من خزينة صندوق التأمينات الأجتماعية وليس من ميزانية الدولة

  26. برجاء معرفةهل شركات قطاع الأعمال ستصرف المرتبات فى هذا الميعاد ايضا وهل قانون الخدمة المدنية الجديد سيسرى على قطاع ا لأعمال أم لا وشكرا

  27. ماهو موقف قطاع الأعمال من صرف المرتبات الخاصة بشهر يوليو وكذلك قانون الخدمة المدنية الجديد

  28. وجت علينا تأجيل القانون الجديد طب القضاة ملوش نصيب فى الكلام دة ولا دة خارج المظومة )بلاد الظلم اوطانى)

  29. واصحاب المعاشات متى يصرفون معاشهم هل فى ميعاد صرف المرتب ال يخص العاملين يوم15- 6

اترك تعليقاً

لن يتم نشر عنوان بريدك الإلكتروني.