شوربه العدس من الشرب المغذية والمفيده وخصوصا فى فصل الشتاء لانها تعطى دفئ لامثيل له بالاضافة الى كونها معالج للكثير من الامراض ، فهى دواء البرد الاول فى الشتاء هى واكله المحشى اللذيذه واليوم نقدمها لكم بطريقة سهلة ونرجو ان تنال اعجابكم .
المقادير:.
3 حبات بطاطس كبار
2 حبة طماطم متوسطة
4 جزرات كبار.
2بصلة متوسطة
6 فصوص ثوم.
حبة فلفل اخضر صغيرة
ربع كيلو عدس ومكن اقل من كدا.
فلفل وكمون وملح
شوربه
نص كيس شعريه او ربع كيلو وممكن تعمليها بلسان عصفور كمان .
الطريقة
نحط كل المكونات السابقة ماعدا الشعريه والملح والفلف الاسمر والبهارات، فى حلة بعد مانقطعهم ونضيف الشوربه والشوربه تكون مغطياهم بمعنى لو المقادير جايبة ربع الحلقة تبقى الشوربه واصله لثلاث ارباعها المهم تكون الشوربه وفيرة وممكن تخلى نص شوربه ونص ميه وتضيفى مرق دجاج .
بعد ماكل المقادير تستوى سيبها تبرد وبعدين صفيهم بمصفه هيكون عندك المكونات بالمصفة وماية العدس بالحلة ، اضربى المكونات بالخلاط وبعد ماتضربيهم كويس اخلطيهم تانى بالشوربه.
بعد كدا جيبى الحلة اللى هتطبخى فيها الشوربه وحمرى الشعريه وبعدين صبى الخليط ( اللى هو الشوربه والمقادير المطحونه وضيفى الملح والفلفل الاسمر والكمون وهدى النار عليهم وكل شويه قلبى عشان متتحرقش واول ماتغلى دقيقتين واطفى النار وبالهنا والشفا .