صرحت دكتورة ناهد العشري وزيرة القوى العاملة، بأنه لا يوجد وظائف خالية لتوظيف الشباب في الفترة الحالية بأي قطاع حكومي، مؤكدة “مفيش تعيين خالص، ومش هيكون في المرحلة دي”.
وقد أشارت الوزيرة في لقاء لها ببرنامج بصراحة المذاع علي قناه التحرير، عن زيارة رئيس الوزراء المهندس إبراهيم محلب لكافة القطاعات ومتابعته لشؤون العمل، مشيرة أن ذلك يشعر العامل أن الحكومة تقف بجانبه، وتدرك مشاكله، مؤكدة أن العامل المصري ذكى يقدر وقوف الدولة بجانبه وقادر علي الصبر وتخطى الصعاب.
وأضافت العشري أنها غير منحازة لجانب أصحاب الأعمال علي حساب العامل، مؤكدة على حرصها علي الموازنة بين الطرفين العامل وصاحب العمل، لحل المشاكل القائمة بينهم.
وبسؤلها عن أسباب فصل 15 ألف عامل بعد ثورة 25 يناير، فأجابت عند صعوبة الفصل بين الطرفين العامل وصاحب العمل يكون الحد الفاصل بينهم هو القضاء والمحكمة العمالية، وأكدت أن المحكمة تكون سريعة للفصل بين الطرفين.
على أساس أن كان فى تعيين فى الأول
ارحمنا يارب
الى سيادة الوزيرة اللى بتقول مفيش وظايف حكومية فى الوقت الحالى ولا الفترة القادمة
ياريت يكون كلامها اوضح وتقول مفيش وظايف حكومية الا لابناء الوزراء والمسئولين الكباروالواسطة
ومن العدالة ان ابناء المسئولين والموظفين اللى موجودين فى الوظايف الحكومية يتم الاستغناء عنهم ويعدوا فى بيوتهم ولا على القهوة لغاية مايلاقوا وظايف بدون واسطة ولا فلوس
المدام الوزيرة هانم عندها حق هي مش لقت شغل وفلوس بالهبل بتصرف فيها وطبعا وصولها لمنصب وزيرة مجاش بأجتهادها وبعلمها الفذ لا بييجي برضو بالواسطة وشغل الحلمنتيشي حسبي الله عليهم جميعاً . عموما احنا فقدنا الثقة في أننا يكون لنا حق في بلدنا في أي حاجة خلاص.لكن ما فقدناش الثقة في ربنا والحمد لله و ربنا يرزقنا من بعيد عن سياده حضرة الهانم الوزيرة المبجلة.
انا موافقة على الكلام ده تماما
الى سيادة الوزيرة اللى بتقول مفيش وظايف حكومية فى الوقت الحالى ولا الفترة القادمة
ياريت يكون كلامها اوضح وتقول مفيش وظايف حكومية الا لابناء الوزراء والمسئولين الكباروالواسطة
ومن العدالة ان ابناء المسئولين والموظفين اللى موجودين فى الوظايف الحكومية يتم الاستغناء عنهم ويعدوا فى بيوتهم ولا على القهوة لغاية مايلاقوا وظايف بدون واسطة ولا فلوس