التخطي إلى المحتوى
عاجل…إلغاء مسابقة وزارة العدل في المحاكم الابتدائية
دار القضاء العالي

منذ فترة أعلنت وزارة العدل عن وجود وظائف حكومية شاغرة بها لحملة كافة المؤهلات المختلفة “العليا، المتوسطة، الفوق متوسطة، محو الأمية” دون أن تشترط تخصصات معينة ولا سن معين، وبالفعل تقدم الملايين من المصريين أملا في الفوز بوظيفة حكومية في مكان مرموق.

ولكن بعد انتهاء فترة التقديم في تلك الوظائف خيم شبح الصمت على تلك المسابقة وسط تساؤلات من جميع المتقدمين، واليوم حكمت المحكمة الإدارية التابعة لرئاسة الجمهورية ببطلان مسابقة وزارة العدل في المحاكم الابتدائية، بطلانا يلغي قواعد التعيين وكذلك الشروط الخاصة بالمسابقة.

وجاءت الأسباب التي أستند إليها المحكمة الإدارية كالتالي:

  1. أن الوزارة لم تقم بالإعلان عن تلك الوظائف في جريدتين يوميتين على الأقل، وهذا يخالف المادة (17) من قانون العاملين المدنيين بالدولة.
  2. لم تحدد الجهة الإدارية الوظائف التي سيتم شغلها بعد الخضوع لاختبارات وتلك التي يتم شغلها بدون اختبارات.

التعليقات

  1. والله البلد دى ماتستهلش غير الحرق علشان تنضف من الأوساخ اللى بيحكموا ويتحكموا فيها وخليها بقى تخرب على الكل

  2. هما لمو الفلوس الي كانوا محتاجينها ودمتم علي كدة ههههههههههههههههههههههههههههههه

  3. ياجماعة انا اسف لكل واحد قدم فى المسابقة دى هو اللى غلطان هو فية فى الدنيا حكومة تنزل مسابقة بتقول اية بقة
    كل الاعمار / كل المؤهلات / كل الشهادات حتى محو الامية
    فى حد فى الدنيا يصدق الكلام دة
    احنا عشان غلابة بنصدق ما احنا مش لاقين بس للاسف الحكومة بدل ما بتلم من رجال الاعمال بتلم من الشباب الغلبان اللى اصلا مش لاقى شغل يصرف على نفسة منة لا كمان بتاخد منة
    حسبى الله ونعم الوكيل فى كل الفاسدين اللى فى البلد

  4. حسبى الله ونعم الوكيل خلونا عملنا ايداع 20 جنيه فى البنك بأسم وزير العدل وخلونا عملنا فيش جنائى ب15جنيه غير10جنية رشوة علشان ناخد الفيش وبعد كدا يلغوا المسابقه حسبى الله ونعم الوكيل

  5. الله ينتقم منهم جميعا القائمين على اعدام الشباب وتحطيم احلامهم وانا من الشباب الذين دمروا نفسيا ومن كل شئ يرحمنا ربنا اللي بيرحم ويغفر مبقاش لينا في البلد دي غير رب العباد ولكل ظالم نهاية باذن الله الظلم طريقه قصير والحق سيأتي يوما من الأيام أتمنى أن يعيش ابني في يوم من الأيام في أي بلد تقدر العلم وطموح الشباب ولو فضلنا كدا طيب ماخلاص نقفل الجامعات والمدارس طالما الخريجين لا يجدون فرص عمل حقيقية أدعو الله عز وجل أن تقابل رسالتي اي مسؤول وأن يقرأها بجدية نحن الشباب وأنا منهم أوجه لكم رسالة بعد كل هذا ماذا تريدون منا ؟ اعطونا تأشيرات هجرة ونترك لكم البلد بما فيها وأنا أول الشباب بكل جديه أرجو أن أعيش خارج هذا البلد رغم أنها في دمي لكن أريد الخروج تعبت من الروتين والمقالات والبرامج والوعود والكذب وقتل الطموح لقد نسينا ما تعلمناه خلاص أصبح المؤهل الجامعي لايفيد وياريت كلامي يتفهم. مواطن مصري (أصبح أقل من قيمة حيوان يعيش في بلد متحضر) ولن اقول أسف على التشبيه

    1. والله العظيم عندك حق فى كل كلمة قولتها وياريت المسوليين يحسوا بقى بالناس كل واحد فيهم قاعد على كرسى ولا كهرباء بتتقطع عنده ولا بيركب مواصلات وحتى لو طلع من المنصب بيكون مرتاح برده يلريت يحسوا بالناس شوية عشان فيه ربنا سبحانه وتعالى هيحاسب فى يوم من الايام

  6. اكثر من 20سنة وانا بتقدم للمسابقات التى تعلنها الحكومات ولم احصل على وظيفة حتى الان ده حلال ولاحرام عمرى الان 45 سنة

  7. اكثر من عشرون عام وانا بالتقدم لوظيفة فى الحكومة ولا حياة لمن تنادى وعمرى الان خمسة واربعون سنة ولم احصل على اى عمل ده حلال ولا حرام

  8. وهي فين المؤسسة ولا الوزارة اللي في مصر مش نصابة اذا كانت مصر كلهانصب حسبنا الله ونعم الوكيل لميتو فلوس من الناس الغلابة

  9. سي سي مر سي
    كله بالكسره
    ووزارة العدل – الكفه التانيه ضايعه
    ازاي حتوزن بالعدل
    اين وزارة العدل التي كنا نفتخر بها

  10. يا ريت يوصل كلامنا للمسئولين علشان نعرف إحنا لية إتظلمنا ولحساب مين لحساب الوساطة ولا أية

  11. حسبى الله ونعم الوكيل فى كل من إستغل إحتياج الشباب لفرصة العمل بس حرام الفلوس إللى صرفناها والفلوس إللى راحت لوزارة العدل عن طريق بنك القاهرة والفلوس إللى راحت فى الفيس وإللى راحت للبريد إحنا زنبنا إية ولما الإعلان كان غير سليم ليه متكلموش إلا بعد 8 شهور لية مشفوش إن الإعلان فية خطأ إلا بعد 8 شهور دة ظلم ويجب أن يحاسبوا على ذلك لان دة ظلم وربنا على الظالم وحسبى الله ونعم الوكيل

  12. الاخت دينا كاتبة الموضوع
    حضرتك فسرتى الحكم ده على اى اساس لو كان كلامك صح تقدري تقوليلي السطر ده معناه ايه
    || وبالنسبة لكافة الدرجات الوظيفية المشار إليها التى تم التعيين عليها ||
    التى تم التعيين عليها
    المسابقة التى لم يعين احد فيها لم تلغى ياخت دينا ارجو تحرى الدقة

    منطوق الحكم
    ومن جميع ما تقدم فقد تبين للمحكمة أن القرار المطعون فيه قد افتقد أساسه القانونى فى جملته، وبالنسبة لكافة الدرجات الوظيفية المشار إليها التى تم التعيين عليها لصدوره مشوبا بعيب مخالفة القانون والخطأ فى تطبيقه، ولإخلاله إخلالاً جسيماً بالإجراءات والضمانات التى كفلها المشرع للتعيين فى الوظائف الشاغرة.

  13. انا مقدمتش فيها بس بقول حسبى الله ونعم الوكيل لميتو فلوس من الناس الغلابة اللى اتعشمو يشتغلو والاقسام استفادو والبريد كسبو وكلو بيستهبل على كله وفالاخر بتقولو باااااااطلة الغلابة ليهم رب اسمه الكريم

اترك تعليقاً

لن يتم نشر عنوان بريدك الإلكتروني.