طاجن البمية باللحم الضانى من اجمل واشهى الاكلات الشهية والمعروفة والممتعة لدى الشعب العربى عموما والمصرى تحديدا ، نقدمها لكم اليوم بطريقة جديدة ومميزة ونرجو ان تنال اعجابكم .
المقادير:
كيلو باميه صغيره وممكن كبيرة وتقطعيها بس الاحسن تكون صغيرة
2 طماطم كبيرة او 3 متوسطة طماطم حمرا مضروبه في الخلاط
معلقتين صلصه
2ملعقه سمنه او زبده كبيرة
بصل مقطع قطع صغيرة
كيلو لحمه ضانى
4-5 فصوص ثوم
كزبرة ناشفه-ملح-فلفل-بهارات ( واى بهارات تانية بتحبيها )
3 ثمرات فلفل اخضر حامى مقطع قطع صغيرة او افرميه حسب الرغبة
الطريقه:
اولا نحط معلقه السمن او الزبده في الحلة
وبعدين نضيف البصل ونقلب لحد لما يبقى لونه اصفر ونضع عليه الطماطم اول ماتتسبك نضع الصلصه ونقلب
وبعدين نضيف اللحم الضانى ونقلب شويه لحد لما لونها يتغير يعنى حوالى 20 دقيقة
ثم نضيف كوبين مياه ونسيب اللحمه تستوى نصف سوى على النار
اول ما نتاكد انها استوت نصف سوا نضيف الباميه ونغطيها ونسيبها لحد لما تقرب تستوى هى واللحمه
نجيب طاسه نحط فيها معلقه السمنه او زبده ونحط الثوم المفروم ومعلقتين صغيرين كزبرة ناشفه ونقلب لحد لما لونها يتغير شويه
نشيل غطا حلة الباميه ونضع الكزبرة والثوم عليهم والفلفل الحار المقطع مع التقليب البسيط زى طشة الملوخية كدا، ونقفل الحلة ونسيبه يستوى ونحط الملح فى الاخر ونحطة فى طاجن وندخلها الفرن تاخد وش.