هدد المستشار مرتضى منصور بأنه سيعتزل المحاماة ومجلس النواب وسيغادر مصر إذا تم خصم نقطة واحدة من نادي الزمالك، بعد غياب الفريق لمواجهة مباراة النادي الأهلى فى الأسبوع الرابع من الدورى، ولم يصل أتوبيس الزمالك إلى الاستاد حتى أنهى الحكم المباراة.
فعلق مرتضى منصور خلال مداخلة هاتفية مع الإعلامي أحمد موسى قائلا “هما عيال صغيرة هنادي عليهم، بلدنا جميلة، والزمالكاوية والأهلاوية ضد الإرهاب، والله ما عرف عملوا محضر ولا لأ”.
وتابع مرتضى منصور “الزمالك منسحبش، كل حاجة محسوبة بالورقة والقلم، وأنا مش هاخد عقوبات، هاخد عقوبات ليه عملت إيه، مين قال إني مروحتش، مبورك على الأهلي الدوري”.
وأردف “أنا شاطر في القانون الحمد لله، مفيش نقطة هتتخصم من نادي الزمالك، ولو حصل هعتزل المحاماة ومجلس النواب وهمشي من مصر كلها، وهوصل للمحكمة الرياضية، وأوريهم اللي عمرو الجنايني عايز يعمله هو ولجنته في ولاد الأهلي والزمالك، يا أخى في الماتش اللي فات كانت العلاقة محترمة، لغاية لما الماتش اتعفرت ومتعرفش اتعفرت إزاي”.
وواصل “رئيس وزراء فرنسا، قال هأجل جميع ماتشات الدوري الفرنسي لو اي حاجة جت عندنا هنا في فرنسا، وسؤال بقى مش الأهلي قال مش هلعب ماتش الجونة السنة اللي فاتت، وماتش المقاولين، هو في إيه يا جماعة بجد، إحنا بنوؤد فتنة، واللاعيبة مشحونة، وبتقول عندي تار، ولاعيبة الأهلي مشحونة ومنهم وليد سليمان”.
وأضاف “أنا قلت اقتراح محترم، وزير الشباب واللجنة يقعدوا مع اللاعيبة ويقولوا للاعيبة انتوا منتخب مصر ويعمل الماتش بعد ما يرجعوا من أفريقيا بيوم واحد”.
شاهد تعليق مرتضى منصور ..
