بالفيديو| هل الأندومي وجبة قاتلة للأطفال؟.. أخصائية تغذية تجيب

بالفيديو| هل الأندومي وجبة قاتلة للأطفال؟.. أخصائية تغذية تجيب

تناول الإعلامي عمرو أديب خبر وفاة طفل بمدينة المحلة الكبرى بمحافظة الغربية إثر تعرضه لارتفاع ضغط الدم المفاجئ وضعف عضلة القلب، وتم التحفظ على الجثة بمشرحه مستشفى المحلة العام، وذلك بعد تناوله وجبة إندومي.

وطرح أديب عدد من الأسئلة عبر حلقة  الأمس من برنامج “الحكاية” المذاع على قناة “أم بي سي مصرط قائلا “هل الإندومي قاتل فعلا أم أنها حرب تجارية؟، في كل الدول موجودة والناس بتاكلها عادي، إشمعنا عندنا إحنا بس هي اللي بتموت، مش ممكن الإدارة المصرية بدخل للبلد حاجة بتموت الناس”.

وكشفت دكتورة هبة الله عوض أخصائي الصحة العامة والتغذية بالمعهد القومي للتغذية حقيقة الأمر قائلة “الإندومي شعرية سريعة التحضير زيها زي المكرونة، إيه اللي هيخلي حد ياكلها يموت، مفيش أي حاجة بتقول كده، واقعة بتقول إن طفل كل إندومي ومات، هل تم تحليل باقي الأكل اللي الطفل أكله، واثبتوا إن في مادة سامة، لأ، وكل فئات المجتمع بتاكله عادي جدًا”.

وأضافت دكتورة هبة الله عوض قائلة “ليه مش كل الناس اللي كلته توفت، الحاجة الوحيدة اللي ممكن يسببها الإندومي هي السمنة، الإكثار من أكله هو اللي يتخن، زي المكرونة، هي في الأخر مادة نشوية، وأنا لما أتخن هبقى معرضة لسكر وضغط، مش هتخن في لحظتها وضغطي هيعلى في لحظتها وأموت، مفيش منه أسباب تؤدي للوفاة كما هو شائع”.

شاهد الفيديو…