روت مي ضحية التحرش الجماعي بالمنصورة، ليلة رأس السنة، تفاصيل ما حدث خلال مداخلة هاتفية مع الإعلامي عمرو أديب ببرنامج “الحكاية” المذاع على قناة “أم بي سي مصر” الفضائية.
فعلقت مي قائلة “المتهمين الحقيقين بره السجن وجايبين أطفال منعرفهمش أول مرة نشوفهم حبسينهم، لو شفت المتهميين الحقيقين هعرفهم، دول شوية بلطجية مش مسلمين”.
وأردفت “لم نتعرض لأي ضغط، اتفاجأنا إن أطفال زي دي متهميين في قضيتنا، اللي اتهجموا علينا ناس كبيرة في السن أجسام ضخمة، قلت أوصافهم للشرطة”.
وتابعت “أنا رنيت على ناس أصحابي خرجوني، وفي أثنين معرفهمش واحد معاه كلب وواحد معاه خشبةن ولولا دول كان حصل لي أكثر من اللي حصل لصاحبتي”.
وواصلت “رنيت على الشرطة 122 قالت لي كمان شوية وهاجي، وعربية الشرطة الزرقاء كانت واقفة في الشارع شاورت لها مشيت، والعدد كان كبير جدًا”.
وأضافت “في بداية الموضوع كان ماشي ورانا حوالي 20 أو 0 شخص، بدأوا يعاكسوا معاكسات عادية، وبعدين بدأو يصورنا، وإحنا اتخانقنا معاهم، وفي ناس أتدخلت ودافعت عنا، ودخلونا محل الموبايلات، اللي بعد كده خرجنا عشان خاف على موبايله”.
وأكملت “ثاني يوم بالليل اتصدمت إن الفيديوهات نزلت، أهلي كانوا مضايقين، والدنيا أتقلبت، حرام اتشهر بينا، كل واحد عايز ياخد تريند على قفانا إحنا، أنا في كلية تربية سنة3، ولن أتنازل عن البلاغ قبل القبض على المجرمين الحقيقين، لأن دي صدمة عمري، ولو وسط مين هعرفهم”.