أوضحت إيناس عبد الحليم، عضو مجلس النواب عن المنصورة، تصريحاتها الخاصة بواقعة التحرش الجماعي بفتاة المنصورة، ليلة رأس السنة، وذلك خلال مداخلة هاتفية مع الإعلامي عمرو أديب بحلقة الأمس من برنامج الحكاية.
فعلقت نائبة المنصورة “موقف الشباب يدل على إن أهالي المنصورة بخير زي ما أنا قلت وإن شباب المنصورة كلهم شباب جيد جدًا ومتربي أحسن تربية، ولا يجوز أن تسيء الواقعة لكل شباب المنصورة، دول ناس أسائوا لمصر، ومش هنسبهم، وفي قانون تحرش، واللي بيدي من غرامات لمجرد خدش الحياء”.
وأردفت نائبة المنصورة “المكان شارع حيوي في المنصورة، شارع رئيسي، فسهل إنه تملى فيهناس، زي كأنها حادثة وخناقة وبتفرجوا عليها، وأنا شايفة إن مش كلهم اتحرشوا بيها، اللي شايفة عدد بسيط وتم القبض على ناس واعترفوا”.
وتابعت “وزي ما في شباب اتحرشت، وناس اتفرجت، في شباب نفخر إنهم من شباب المنصورة، اللي قاموا بدورهم من غير ما يعرفوا البنات، عشان كده لازم نتجه للأسرة والبيتن والإعلام اللي لازم يوجه، لأن الشباب ده محتاج توجيه، مينفعش المنظر اللي حصل ده أول مرة أشوفه في المنصورة ولادنا ميعملوش كده، وده سبب دفاعي عن شباب المنصورة”.
وأضافت “ممكن يكون البنت كان في تربص بها، مقدرش أحكم على بداية المشوار، أنا لا أعرف جنسيتها ولم أقل هذا الكلام، أول حاجة همتني إن يكون البنت أصيبت أو يكون حل لها اي ضرر نفسي، بس هي مراحتش أي مستشفى”.
