شبهت الكاتبة لميس جابر الرئيس عبد الفتاح السيسي بمحمد علي باشا، والي مصر، وذلك خلال حوارها مع الإعلامي عمرو أديب ببرنامج “الحكاية” المذاع على قناة “أم بي سي مصر” الفضائية.
فعلقت لميس جابر قائلة “الريس متدخل في كل كبيرة وصغيرة، راح مزرعة المواشي، عارف محمد علي كان كده، مش بيسيب حاجة بتتعمل من غير ما ينط على الناس كل شوية يشوف أخبار الناس إيه، يروح بنفسه عشان كده كان بينجز”.
وأردفت جدابر قائلة “ده تراث ثقافي عندنا إن المصريين مبيحبوش الشغل أوي، بنحب نريح، نقعد على القهاوي، حجارين شيشة نتكلم في السياسة، لما بنتزنق بنشتغل، زي الطالب اللي بيذاكر ليلة الامتحان”.
وأضافت لميس جابر “أنا دايما متفائلة، وشايفة إن حال الناس هيتحسن في 2020، نسبة البطالة قلة، نسبة الشباب اللي بتمشي تتسكع في الشوارع قلت”.
وتابعت لميس جابر “الشارع المصري ذكي جدًا طول عمره، أنا عندي مجلات قديمة من العشرينات والثلاثينات، بعد الثورة مبقاش في حوار لا جوه البيوت ولا على القهاوي، تحس إن الوعي كان عالي جدًا، ثم أتقصف لي قلم قريبا، وأنا مش مسمحاهم واللي بيجي على مبيكسبش، حرية الإعلام دلوقتي أقل من وقت مبارك، والله العظيم أنا أيام مبارك كنت بخبط تخبيط، أنا كتبت مقال لحبيب العادلي مرة مرفش سماعة التليفون وقالي إيه اللي كتباه ده ليه”.
نريد مثقفين تدفع الناس للعمل حتى نتقدم بمصرنا الحبيبه ام الدنيا إلى الامام ولا تصدر لنا الإحباط
اكثر ناس بتشتغل حينما يتواجد العمل والأجر والثواب المناسب وأسأل البنوك وشركات البترول والعمالة بالخارج.. هؤلاء المثقفين ابعدو الناس عن التلفزيون المصري
حسبنا الله ونعم الوكيل في جسمك يا شيخ المصريين هو اللي ما بيحبش الشغل ده انت وليه عار
والله انت عندك حق في هذا التعليق وفعلا مفهومها خاطآ عن الشعب المصري تحياتي لك
بصراحة الناس فى مصر عاوزين ضرب بالكرباج الان حتى يفيقون من الغيبوبة والفقر