تعرِّضت الإعلامية دعاء فاروق لموجة كبيرة من الانتقادات والتعليقات بعدما نشرت صورة تجمعها بأبنائها على “الانستجرام”، حيث جاءت أغلب التعليقات مفاجئة لها والتي رأت فيها تنمرا واضحا على شكل أولادها وأنهم لايشبهونها، بينما ذهب آخرون للسخرية من ملابس ابنتها والتي ارتدت بنطلونا مقطعا وانتقدوا عدم لبسها للحجاب .
صور دعاء فاروق وأبنائها على الانستجرام
وعلقت الاعلامية على الصور قائلة لمتابعيها
“من فضلكم بمنتهى الأدب والأخلاق اللي في الدنيا.. ممنوع منعا باتا التعليق على لبس أي حد من ولادي ولا شكلهم ولا حلوين ولا وحشين ولا شبهي ولا مش شبهي”.
وأضافت دعاء
“إذا هتدعولهم ربنا يكرمكم ويبارك لكم في أولادكم ولكم بالمثل إنما كل حد يدخل ينظر علي ولادى وعلي لبسهم ده مش مقبوووول … انا حرة احط صور ولادى علي صفحتي للذكري ولتسجيل اللحظة انما مش من حق مخلوق يدخل يناقشني في شكلهم او لبسهم وبعد إذن حضراتكم اللي كاتبه أو كاتب تعليق من هذا القبيل يدخل يمسحه بهدوء لان اي تعليق من هذا القبيل هعمل بلوك فورا ولكم مطلق الحرية انكم تعملوا انفولو للأكونت بتاعي”.
وتابعت دعاء بكل حزم قائلة
” محدش بيستحمل علي عياله الهفوه .. وانا مش بستحمل … ربوا عيالكم انتو بالطريقة اللي تحبوها ومالكوش دعوة بعيال حد تاني حتي لو عيال أختك … شكررررررا”.
وفى نهاية تعليقاتها كتبت:
“مرة تانية بشكر كل اللي بيقول كلمة محترمة واللي بيعلق تعليق لطيف واللي بيحافظ على مشاعر الغير”.