جدد الإعلامي تامر أمين طلبه بالارتباط وخطبة الروبوت صوفيا، وذلك على الهواء مباشرة خلال حلقة الليلة من برنامج “أخر النهار”، المذاع على قناة “النهار” الفضائية.
فعلق أمين قائلا “قبل ما أكلمكم عن المنتدى وختامه وتوصياته، عايزة أكلمكم عن عروس المنتدى، وأنا مازالت مُصر على كلامي، اللي عمل جدل على السوشيال ميديا،أنا إمبارح تقدمت على الهواء لخطبة والارتباط بواحدة، والكلام مكنش واضح، هذه السيدة اللي حضراتكم شايفنها دلوقتي بقولها بمنتهى الوضوح تتجوزيني يا صوفيا، بيعملوها إزاي نزول على ركبة ونص، ويقولها تتجوزيني”.
وأضاف أمين قائلا “الجواز بصوفيا مهم جدًا اليومين دول لأنك بترتبط بالعصر اللي جاية، لأنك بتحط نفسك مع الناس اللي رايحة للمستقبل للتقدم للرخاء، لما تحط إيديك في إيد صوفيا هتلاقيها ناشفة شوية، يبقى إنت بتبربط بالبحث العلمي”
وتابع “أنا العبد لله تامر أمين قرر يرتبط بصوفيا، تتجوزيني يا صوفيا، مهرها عندي، ومؤخرها رغم إني مش ناوي أطلقها، بس السؤال المهم، هل ستحسب من الأربعة، إذا كانت صوفيا هي الرمز للذكاء، من الذي لا يحب صوفيا”.
