بالفيديو| عمرو أديب يبكي مخرج برنامجه الذي توفي نتيجة حادث: كان بيوصلني للعربية بعد البرنامج

بالفيديو| عمرو أديب يبكي مخرج برنامجه الذي توفي نتيجة حادث: كان بيوصلني للعربية بعد البرنامج

نعى الإعلامي عمرو أديب شريف السقا، مخرج برنامجه”الحكاية”، على قناة “إم. بي. سي. مصر” الذي لقى حتفه إثر تعرضه لحادث سير مساء الخميس.

وبكى أديب على الهواء مباشرة وعلق “أنا كنت متفق معاهم يحطوا الصورة دي بس مكنتش متوقع إنها هتعمل فيا كده، كانوا دايما بيعلمونا إننا منبكيش على الهواء، في حاجات الناس بتعرف تتعود عليها زي الالم والعذاب إلا فكرة الاختفاء المفاجيء”.

وأردف أديب قائلا “طبعا كل الموت محزن ولكن الموت الفجأة ده بيبقى غريب الواحد مبيعرفش يعمل فيه حاجة، إحنا برنامج بقالنا عشرين سنة بنتنقل من قناة إلى قناة عيلة مع بعض أنا بقالي عشرين سنة بعرف شريف السقا، بقالي عشرين سنة اثنين بيكلموني في وداني واحد المخرج بتاعي معرفش اشتغل من غيره”.

وتابع أديب قائلا “شريف كان أمير وكان طيب بشكل غريب، بعد ما البرنامج كان بيخلص كان يوصلني للعربية،  وإنسان بسيط جدا، ساب بنتين منهم بنت صغيرة”.

وأضاف أديب “أنا كنت مرتبط به جدا وبثق به جدا لازم في شغلانتنا  دي تكون بتثق في المخرج لأنه ممكن بتوجيه غلط منه حياتك الإعلامية تنتهي”.

https://www.youtube.com/watch?v=5dDSHIYBGGs&feature=share