فاجئ رمضان صبحي، لاعب النادي الأهلي ومنتخب مصر الأوليمبي، منى الشاذلي بالدخول عليها الأستديو وهو يرتدي قناع “لاكازا دي بابل”، وذلك خلال حلقة الأمس من برنامج “معكم”.
وكشف رمضان صبحي لمني الشاذلي سر دخولهم المباراة النهائية بقناع “لاكازا دي بابل” قائلا “صاحب الفكرة طاهر محمد طاهر، وإحنا في ألأاوضة قال الفكرة، وأنا بدأت أفكر طب لو حصل حاجة ما أحنا ماشيين كويس، وقولتله هتعرف تجيب عددنا قالي هتصرف، وكلمنا ناس من اللجنة المنظمة للاتحاد الأفريقي نسألهم لو لبسنا ماكسات هيبقى في أي عقابات، كل ده كابتن شوقي ميعرفش أي حاجة، وعرفنا إن مفيش أي عقوبات”.
وتابع رمضان صبحي قائلا “طاهر رغم إنه كان مصاب كان متولي المهمة دي ويسأل عشان مننشغلش عن التركيز في اللعب، عمل كل حاجة من غير ما يشتتنا، محدش اعترض لأننا كمجموعة لو في 17 عايزين حاجة تحصل والخمسة لأ رأي الأغلبية بيمشي من باب الديمقراطية، وأظن ده كان باين من اول ماتش”.
وأضاف رمضان صبحي “كنا بنضحك وعايزين نشوف رد فعل الكابتن شوقي والناس، ووحاطينا السماعات، وقولنا لطاهر شيل الماسكات قبل ما كابتن شوقي يدخل، لو كنا خسرنا كانت الناس ممكن تعلق إننا مش مركزين، ونفسي الفكر ده يتغير”.
شاهد الفيديو….
