التخطي إلى المحتوى
بالفيديو| تعليق قوي من إيمان الحصري على فيديو رقص طلاب داخل فصل بكفر الشيخ
hg

استنكرت الإعلامية إيمان الحصري الفيديو المنتشر على مواقع التواصل الاجتماعي لطلاب يرقصون خلف معلمة داخل أحد الفصول في مدرسة بكفر الشيخ.

فعلقت الحصري خلال حلقة الأمس من برنامج “مساء dmc  “المذاع على قناة  dmc الفضائية قائلة “يمكن ناس كتير علقت على إن المعلمة واقفة بتكمل كتابة على السبورة، بس هي هتعمل إيه، أي حد لازم يتخيل نفسه في موقفها، دول مجموعة من الطلاب واضح جدًا إن الرباية مش موجودة خالص، ودي ست كبيرة، معلمة واضح إنها في لحظة من اللحظات قررت أن تتجاهل اللي بيحصل وتكمل الشرح على أساس إنهم هيقعدوا بس مقعدوش”.

وأردفت الحصري قائلة “عندنا عيال ممكن حد يشوف الفيديو عادي بيهرجوا ويرقصوا عادي، بس المشكلة مش إنهم بيرقصوا المشكلة عدم احترامهم للست الكبرة دي، مفيش احترام وتربية، دي كائنات مؤذية، محدش رباه إنه يحترم اللي أكبر منك، مينفعش ست تكون واقفة تعلمك وأنت متعمد تهينها”.

وأضافت الحصري “الأهالي واضح إنه غابت عنهم الكثير من المبادئ اللي يعلموها للعيال، لأن اللي يعمل كده واضح إنه ممرش على ألف باء تربية”.

التعليقات

اترك تعليقاً

لن يتم نشر عنوان بريدك الإلكتروني.