علق الإعلامي عمرو أديب، على الأخبار التي تفيد بأن مجلس النواب الهندى هاجم رئيس وزراء الهندى بسبب استيراد البصل المصرى، وذلك خلال حلقة الأمس من برنامج “الحكاية” المذاع على قناة “أم بي سي مصر”.
فقال أديب “رئيس الوزراء الهندي مودي وهو في البرلمان، طلع عليه النواب،ومجلس النواب الهندي يعجبك، قال النواب لمودي، إزاي بتستوردا بصل مصري، أين البصل الهندي”.
وأضاف أديب “طبعا هما غضابنين وأنا مبسوط إن البصل المصري شغال جامد، لأننا بنتكلم على دولة مليارية، لو كل واحد فيهم كل بصلة إحنا انبسطنا جدًا في مصر”.
وأردف أديب “وزيرة الزراعة الهندية قالت لهم بصل إيه وثوم إيه، البصل والثوم عندنا مش مهم، ويقولون أن كيلو البصل في الهند وصل من 100 روبية إلى 120 روبية، أي أن سعره غالي جدًا”.
وتابع أديب “حضراتكم هتضحكوا على موضوع البصل، بس نزرع والفلاحين مبسوطين، ووزارة الزراعة تسيب اللي في ايديها وتشوف موضوع البصل، ويارب نبقى الدولة الأولى المصدرة للبصل في العالم، البصل في النهاية بيعمل فلوس، وإحنا هنا بنصرف عليه إيه ولا حاجة، البصل كان الفراعنة بياكلوه وهما بيبنوا الهرم، أوقفوا جنب البصل المصري”.
شاهد الفيديو…