أعرب الإعلامي عمرو أديب عن استغرابه، من ثمن قطعة موز مضافا إليها لاصق فضي 120 ألف دولار، للنحات الإيطالي، مارويتسيو كاتيلان، بعد عرضها في معرض له في مدينة ميامي الأمريكية.
فعلق أديب خلال حلقة الأمس من برنامج “الحكاية” المذاع على قناة “أم بي سي مصر” الفضائية قائلا “لوحة بتاعت موزة، ملزوقة على الحيط اتباعت ب 120 ألف دولار، الراجل الفنان نحات، علقها على الحيط ولزقها بسلوتيب، وباعها ب 120 ألف دولار، هو الراجل منحتهاش، هو راح جابها من راجل فكهاني من ميامي، ولما قالوله أتباعت بالرقم ده قالهم بسيطة وراح جاب موزة تاني وسلوتيب تاني وبيع يا عم”.
وتابع أديب “أرزاق أرزاق يا سادة، 120 ألف دولار ، كل اللي قالقني اللي خدت الموزة دي هيعمل بيها إيه، مهي هتسود وهتتنيل، هيعمل بيها إيه بعد ما دفع فيها 120 ألف دولار”.
وأضاف أديب “وتصوير وناس تتصور سيلفي، سبحان الله، سبحان الرازق والوهاب، أبويا كان بيقول يرزق الهاجع والناجع واللي نايم على صرصور ودنه”.
شاهد الفيديو..