صرح الرئيس عبدالفتاح السيسي أنه يريد تنبيه المصريين لبعض الأمور، كما يريد خلق مناعة لدى المصريين أيضا،موضحا انه يقوم بتكرار بعض الكلمات أكثر من مره من أجل تلك المناعه.
وقال الرئيس السيسى خلال افتتاح مشروعات قومية في محافظة دمياط نصا “دا اللي بقوله للحكومة والإعلاميين، مفيش تحدي خطر على مصر، إلا من داخل مصر، أرجو أن تنظروا للبلاد في المنطقة، هفضل أكرر وأكرر عشان يبقى عندنا مناعة، عشان ابقى قدام ربنا عملت اللي عليا، عشان الناس تفهم إن التحرك ممكن يدمر، الدولة بتبذل جهد جبار”.
وأضاف السيد الرئيس قائلا ” الناس بتقول هو مستعجل ليه، وبيكرر ليه، عشان المناعة، ولشبابنا الصغير اللي كان عنده 10 سنين في 2011 وبقى عنده 18 سنة، التوعية مش بس للناس اللي حضرت الأحداث، التوعية في الكنيسة والمسجد والجامعة والمدرسة”.
كما أكمل حديثة قائلا ” حد يقولك هو فيه حاجة، والله ما فيه حاجة، البلد زي الفل، أنا ببص على بكرة والسنين الجاية، خلاص إحنا اتحركنا ومفيش عودة للخلف”.
وأبرز الرئيس بعض النقاط الهامة في 2016 قائلا ” كنا بنتكلم في 2016، الوضع الاقتصادي كان كارثي، لكن الحمد لله دلوقتي عدينا دا”.
ويذكر أن الرئيس عبد الفتاح السيسي كان يفتتح عددًا من المشروعات القومية والتنموية الجديدة بمحافظة دمياط اليوم الثلاثاء، وذلك بحضور رئيس مجلس الوزراء الدكتور مصطفى مدبولي، وأيضا عدد من الوزراء والشخصيات العامة بالدولة.
بعض المشروعات التي تم افتتاحها اليوم من قبل السيد الرئيس عبد الفتاح السيسى
1- مدينة دمياط للأثاث
2- محطة متعددة الأغراض بميناء دمياط
3- مشروع الإسكان المتوسط بدار مصر، الذي يحتوي على 194 عمارة بمدينة دمياط الجديدة
4- مركزًا للتعليم المدني
5- فندق اللسان، الذي يعتبر أول فندق 5 نجوم في منطقة الدلتا.