سخر الإعلامي عمرو أديب من الفنان المقاول محمد على، بسبب المؤتمر الصحفى الذي نظمه الأسبوع الماضي بالعاصمة البريطانية لندن.
حيث علق أديب خلال حلقة الأمس من برنامج “الحكاية” قائلا “من يومين ثلاثة كده، طلع لنا من لندن مؤتمر صحفي للفنان العالمي المقاول الحرامي، وأنا من أول يوم لما طلع الراجل ده قولتكم ملكوش دعوة به، ويبدو أن الإخوان الناس اللي شغالة مع قطر والجزيرة، قرروا إنهم محتاجين وجهه وحد نقف وراه، ولحسن الحظ اختاروا هذا الشخص”.
وأضاف أديب قائلا “وقت الإخوان ليا فيديو شهير، وقولت إن اللي هيجيب السيسي رئيس للجمهورية هما الإخوان، لأن ساعات الغباء بتاع العدو يبقى في صالحك، فهما قرروا إن وجهة الثورة المصرية يبقى الراجل ده، نعمل معاه حوارات في كل توابع قطر، ونطلعه مؤتمر بث مباشر على الجزيرة”.
وأردف أديب “أنا بس نصيحتي للي عايز يتابع هذا الأمر، متبصش للباشمهندس ، بص للي وراهن يعني أيمن نور، والإخوان والقطريين، هما يشربوه يخللوه، يبلعوه”.
وتابع أديب “سيبكم من إنه مش عارفه يتكلم، وإن المؤتمر اللي عملاه جمعية إخوانيه، ومقعدين كام صحفي فرنساوي وإنجليزي، عشان يقولوا إنه مؤتمر عالمي”.
شاهد الفيديو…
