علق المهندس نجيب ساويرس على الجدل الذي أثارته النكتة التي نشرها حول مظاهرات لبنان، وذلك خلال لقائه أمس مع الإعلامية لميس الحديدي ببرنامج “القاهرة الآن” المذاع على قناة “الحدث” الفضائية.
فأوضح ساويرس الموقف قائلا “كان يوم أسود يوم ما عملت النكتة دي، بس طبعا أنا خانني التوفيق، لأن الموقف جد وفي مظاهرات، فالناس هناك زعلت ولهم حق، بس إحنا المصريين طول النهار نكت على نفسنا أكتر من أي حاجة ثانية”.
وأردف ساويرس “في ناس كتير جدًا حاولت تاخد بونت على حساب النكتة، يعني مع إحترامي إنتوا زعلتوا من النكتة لا مؤاخذة والرقاصة قدام الجامعة عمالة ترقص، لو طالعة في قضية جادة خليك جد برضوا، متزعلوش من نكتة بقى”.
واستطرد “إحنا شعب بيهزر وبيحب الضحك، وبنكت على نفسنا ، وأخف دم غصب عن عين اي حد ثاني”.
وأضاف “وليليان داوود حاولت تاخد بونت على حسابي، هي كان ليها قصة لما حاولوا يمشوها من مصر والقناة كانت ملكي أنا ممشتهاشن لوما بعت القناة ومبقاش ليا علاقة بيها من سنتين، ودفعت لها المبلغ اللي كان لها من جيبي الخاص”.
شاهد الفيديو…