عددت دكتورة، مها رداميس، استشاري التغذية، أنواع المواد التي تبني الجسم وخطورتها للاعبين كمال الأجسام، وهي القضية التي تم إثارتها عقب وفاة الفنان هيثم أحمد ذكي، وذلك في حوارها مع الإعلامية إيمان الحصري، خلال حلقة الأمس السبت من برنامج “مساء دي ام سي” المذاع على قناة “دي أم سي” الفضائية.
فشرحت رداميس قائلة “اللي بيستخدموه في الجيم، خليط عشان يحسن الأداء، في بياخدوا بروتينات، فيتامينات ومعادن، وفي بياخدوا محفزات، وفي بياخدوا حاجات خطيرة، اللي بيروحوا الجيم ياخدوها عشان يعملوا فورمة الساحل”.
وأردفت استشاري التغذية “مواد تبني ولكن داخل فيها هرمون الذكورة مصنع، وهي تبني العضلات، ولكن هل هي كده بس، للأسف لها أثار جانبية خطيرة جدا، تبني العضلة وتقلل نسبة الدهن، ولن بلا تساوي، ومكان الحقنة يظهر خراج، وسقوط للشعر، وتؤثر على الكبد، ولأن بها هرمون الذكورة المصنع ينتج عنها عقم، لأن عدد الحيوانات المنوية يقل جدًا، والعضو الذكري يقل جامد جدًا”.
وتابعت قائلة “لما بيجيلي حد في العيادة عشان انظمله الأكل، بقوله لو عايز تخلف ويبقى ليك حياة زوجية، لازم توقف”.
وواصلت استشاري التغذية قائلة “الموضة الأخرى هرمون النمو، وده يؤدي لمرض السكر، ويكبر الثدي عند الرجالة، وفي حقن مادة محفزة للجسم، عشان يطلع خلايا دم حمرا، عشن يزود الدم فيزود الأكسجين، فيزود القدرة على الأداء، ولكن لها آثار جانبية وحدث ولا حرج، ارتفاع في الضغط، وممكن يسبب جلطات، وممكن يؤدي إلى الوفاة”.
شاهد الفيديو…