علق الإعلامي عمرو أديب على واقعة العثور على جثة الطالبة شهد أحمد بنهر النيل بمنطقة الوراق شمالي محافظة الجيزة- جدلًا كبيرًا، وصارت الأكثر تداولًا على مواقع التواصل الاجتماعي.
فأعرب أديب عن رأيه خلال حلقة الأمس من برنامج “الحكاية” المذاع على قناة “أم بي سي مصر” الفضائية قائلا “فجأة لقينا هاشتاج عايزين نجيب حق شهد، فتاة مصرية تدرس في جامعة قناة السويس، وهي من شمال سيناء، لقوها متوفية في النيل، الأخبار الأولية لقوا جثتها بملابسها الكاملة، مفيهاش أثار عنف، يعني تبدو أنها وفاة طبيعية”.
وأردف أديب قائلا “إحنا مستعدين نقف معاكم في حق شهد، بس إيه هو حقهان يعني قضية شهيد الشهامة الراجل مقتول، وعرفنا مين اللي قتله، كان مفهوم إنه مقتول، إنما إيه هو حق شهد”.
وتابع أديب قائلا “يعني لو دخلنا جوه الهاشتاج اللي بقى رقم واحد، نلاقي حاجات غريبة، ولعب غريب، بيقولك أه لأنها من اهل سينا، وأهل سينا لازم يتقتلوا، وحد تاني داخل يقول سخنوا الهاشتاج ثاني، وللأسف فعلا بقى شهد هاشتاج رقم واحد”.
وأضاف أديب “هي حكاية مأساوية بنت في عمر الزهور تغرق في النيل إنما محدش فاهم حاجة، بس مين اللي قال إن لها حق، لأن مفيش أي كلام حتى الآن عن قتلها”.
شاهد الفيديو…
