استنكر الإعلامي طارق علام، تصرف موظف الأمن بالقصر العيني، الذي رمى زيت السيارات على مقاعد الانتظار في القصر العيني، وذلك خلال حلقة الأمس من برنامج “هو ده” المذاع على قناة “المحور” الفضائية.
فعلق علام قائلا “موظف في القصر العيني حط زفت على الكراسي بتاعت الانتظار ده عمى قلوب، عايز الناس متقعدش، ليه بنعمل كده في بعض”.
وتابع علام قائلا “القصر العيني أنا دخلته في 2013، صورنا العنابر مكنش فيها سراير والناس كانت بتأن، واكتشفت هناك مكان كان متكلف 500 مليون جنيه وكان مقفولن في مستشفى الطواريء، صورنا ده، المكان ده له معزة عندنا، صورنا ده واتكلمنا عليه في البرنامج، وقابلنا رئيس الوزراء، في الوقت ده رئيس الوزراء جاب مبلغ تبرع واشتغلت المستشفى، ده مش دور وزير ده دور المجتمع”.
وأردف علام قائلا “بدل ما تحط زفت على الكراسي نحط الناس في دماغنا، حضرتك بدل ما تشمت في الحكومة، شوف أقرب مستشفى لك، روح نضفها حط فيها سرير، ولا وردة ولا كيس دم، عايزين بصيرة مش كلها شكوى”.
شاهد الفيديو…