قال الرئيس ” عبد الفتاح السيسي” اليوم أنه مستعد أن يفتتح العديد من المشروعات بشكل يومي دون تردد، حتى يعرف جميع المصريين بتلك المشروعات، قائلاً: ” مستعد يوم بعد يوم لمدة شهر أو اتنين أو تلاته، نفضل نفتتح اللي عملناه علشان نوريه للمصريين”.
وأضاف ” السيسي” خلال افتتاحه بعض المشروعات القومية بمحافظتي جنوب سيناء والسويس صباح اليوم، قائلاً: ” المشروعات دي مش إحنا اللي عملناها، إحنا كلنا كمصريين وكدولة بأجهزتها ومؤسساتها هي اللي عملت علشان تغير حياة المصريين، وأنا بقول الكلام ده وبكرره، وبقول إحنا محتاجين نتكلم كتير”.
كما أوضح الرئيس أنه يجب على الإعلام التحدث كثيراً حتى يُعرف الناس بتلك المشروعات التي تتم على الأراضي المصرية، مطالباً الجميع بألا ينخدعوا.
وتابع قائلاً:
” ما تخلوش أبدا حد يخدعكوا أو يضحك عليكوا، وفيه آية في القرآن بتقول: “فَلَمَّا ألْقَوا سَحَرُوا أَعْينَ النَّاسِ…” يعني خدعوهم وبيضحكوا عليهم، ويشوهوا الحكاية
كما طالب سيادته جميع المسئولين بمؤسسات الدولة المصرية أن يكونوا مدافعين من أجل وعي المصريين، موضحاً أن الناس معذوره لأنها مشغوله بأكل عيشها، ولازم من تكرار الكلام أكثر من مرة.
قائلا: “اللي اتعمل في 4 سنوات، متعملش في 15 و20 سنة، والمشروعات دي بيشتغل فيها نحو 4 و5 مليون مصري”، مضيفا: “لو مكناش فتحنا هذه المشروعات، الناس اللي رجعت من ليبيا وعددهم نحو مليون ونص مواطن.. كانوا هيشتغلوا فين؟!”.