بالفيديو| لماذا سكب الموظف زيت السيارات على مقاعد مرضى القصر العيني

بالفيديو| لماذا سكب الموظف زيت السيارات على مقاعد مرضى القصر العيني
ضبط المسؤول عن سكب زيت السيارات على مقاعد مرضى القصر العيني

كشفت دكتورة هالة صلاح، عميدة كلية طب قصر العيني، عن الأسباب التي دفعت فرد الأمن بسكب زيت السيارات في أماكن الانتظار بالقصر العينين وذلك خلال مداخلة هاتفية مع الإعلامي عمرو أديب خلال حلقة الأمس من برنامج “الحكاية” المذاع على قناة “أم بي سي مصر ” الفضائية.

فأوضحت صلاح قائلة “في عدد من الموظفين موجودين من بالليل، كان في بعض من أهالي المرضى المنتظرين، المنطقة دي مش منطقة عيادات خارجية، دي عيادات أمراض النسا، وأمام مستشفى النسا”.

وأردفت صلاح قائلة “في بعض الأهالي بتتجمهر بعدد كبير جدًا لو عنده سيدة بتولد، وطبعا ده غير مقبول بالليل، إحنا منبهين إن السيدة تدخل تضع، وبعدين نبلغ الأهل بعد كده، فالأمن والموظفيين حاولوا يخرجوا الأهالي دول، فمقدروش عليهم، فراحوا جايبين زيت موتسكلات وبدأوا يحطوه على الكتب الجرانيت”.

وتابعت “أنا مش متخيلة إن في حد يفكر كده طبعا، طبعا إحنا فضلا 6 ساعات عشان نشيله، عمل ريحة ومنظر سيء جدًا، انا كنت هتجنن، عشان كان لازم المكان ينضف، نزلنا من مكاتبنا، قعدنا ننضف 6 ساعات عشان ترجع لأقرب ما يكون”.

وأضاف ” والمتسبب عن هذا الفعل اتحول للتحقيق ورفعنا لمعالي رئيس الجامعة إنه يوقفه عن العمل”.

شاهد الفيديو…