أوضح دكتور محمد إبراهيم، عميد كلية الحقوق، تفاصيل المشكلة التي وقعت بينه وبين الطالبة التي قال لها “وريني بره مش قدام الطلبة”، وذلك خلال مداخلة هاتفية مع الإعلامي عمرو أديب ببرنامج “الحكاية” المذاع على قناة “أم بي سي مصر” الفضائية.
فروي عميد كلية الحقوق تفاصيل المشكلة قائلا “يوم الأربعاء الماضي، كان عندي محاضرة صباحًا في كلية التجارة، حصلت بعض التجاوزات، طلبة تتحدث في المحاضرة، وأنا خرجت قبل هذه الطالبة أكثر من 4 طالبات و4 طلاب، واتضح إن في طلبة من خارج كلية تجارة”.
وتابع “ثم أثناء المحاضرة لقيت الطالبة دي بتتكلم في الموبايل، قولتلها يا آنسة لو سمحتي تعالي، وطلعت المنصة، وقولتلها هاتي ما يثبت شخصيتك، قالتلي لأ مش هديك حاجة، وأنا بكلم بابا، وهو معاك أهو، قمت قولتلها أدي تليفونك أهو، وحدفته على الأرض، ومسكت التليفون وقعدت تقول يا بابا لازم توريني”.
وواصل “لما يتقولي لازم أوريك قولتلها مينفعش توريني قدام الطلبة، إبقي وريني بره، لأنها بتهددني، أما أحافظ على كرامة الأستاذ إزاي، وإيحاءات جنسية إيه، دول أهل الشر اللي بيفكر على هواه، يعني لو هما بيفسروا بإيحاء جنسي، مهي استخدمت نفس العبارات أقول إنها تحرشت بيا جنسيا، أقولها إيه تعالي أضربيني قدام الطلبة”.
وأضاف “هي بتقول والله لوريك، يعني هتضربني أو تأذيني، أو تخلي واحد بلطجي يجي يضربني، مهو ده سياق كلامها، يعني أنا استخدمت نفس عباراتها”.
شاهد الفيديو…
شاهد التفاصيل الكاملة للواقعة
