روى تامر عيد، شقيق ضحية حادث قطار ، الذي أجبره الكمسري على القفز من القطار وهو يتحرك لعدم وجود تذكرة معه، وامتناعه عن دفع الغرامة، تفاصيل ما حدث لشقيقة في مداخلة هاتفية مع الإعلامية لميس الحديدي ببرنامج القاهرة الآن، المذاع على قناة الحدث الفضائية.
فعلق تامر عيد قائلا “كان هو وواحد صاحبه في إسكندرية بيقضوا أسبوع هناك مع بعض، شباب طبعا وخلصوا كل فلوسهم وراجعين، وهما راجعين اتصل بيا قالي أنا مش معايا فلوس، قولتله أركب أوبر أو أركب تاكسي وتعالى لحد عندي وأنا أحسب لك”.
وتابع تامر عيد قائلا “فقال يركب القطر هو وصاحبه عادي ولما يوصلوا نقابلهم وندفع لهم، ولما ركبوا قالوا للكمسري إحنا مش معانا فلوس، فقالهم إنزلوا هنا بقى ، كان في دفرة في طنطا، والقطر كان ماشي على سرعة عالية”.
وواصل تامر عيد قائلا “قابلت أحمد اللي كان مع أخويا في الحادثة وهو حكالي القصة من أولها لأخرها، وأصابته الحمد لله جرح بسيط في دماغه”.
وأردف “إحنا 3 صبيان وأثنين بنات، ولينا أخت بنت لسه متوفية قريب، وربنا يصبر أمي، في بني أدم إنسان سوي يعمل كده، أنا لو راكب ميكروباص وبقوله مش معايا أجرة مش بيقولي حاجة”.
وأضاف “يا ريته كان خده القسم، لكن هو بكل بساطة وكأن البني آدمين ملهاش ثمن يفتح له باب القطر ويقوله إنزل هنا، إزاي بني آدم عنده قلب يعمل كده”.
شاهد الفيديو…
لا حول و لاقوة الا بالله اصبحتم مثل رئيسكم يا اهل مصر نزعت مت قلوبكم الرحمة