علق الإعلامي تامر أمين على حادث القطار، الذي راح ضحيته شاب يدعى محمد عيد عبد الحميد وأصيب أخر، بعد أن أجبرهم الكمسري على القفز من القطار لعدم وجود تذكرة معه، وذلك خلال حلقة الأمس من برنامج “أخر النهار” المذاع على قناة “النهار” الفضائية.
فطرح عدد من التساؤلات قائلا “أنا عندي سؤال موجه لوزارة النقل بسألكم، إيه هو الإجراء القانوني لما رئيس القطر أو الكمسري يلاقي موقف زي ده، المفروض يقولولنا هل التصرف ده صح ولا غلط، يمكن ده القانون إني أنزل والقطر ماشي مع إنه أكيد بالعقل لأ”.
وتابع أمين تعليقه قائلا “تاني سؤال هو إحنا ليه مبنتصرفش، مبنوقفش الجريمة وبنقعد نصورها، البهوات اللي كانوا في القطر وابتدوا يصورا، مفيش واحد فيهم قرر يوقف موبايله، ويقوله يا أستاذ مينفعش كده احتجزهم، خد بطايقهم، وقف لأول ظابط يقابل، محدش قال كده، إحنا لما بنلاقي حريقة في الشارع مش بنطفيها، بنصورها، بقى التريند أهم من إننا نعمل الخير ونساهم في منع الجريمة”.
شاهد الفيديو..
