بالفيديو| والد محمود البنا ضحية الشهامة بالمنوفية يكشف لـعمرو أديب التفاصيل الكاملة للواقعة

بالفيديو| والد محمود البنا ضحية الشهامة بالمنوفية يكشف لـعمرو أديب التفاصيل الكاملة للواقعة

كشف محمد البنا، والد محمود البنا ضحية الشهامة بالمنوفية للإعلامي عمرو أديب خلال مداخلة هاتفية لبرنامج “الحكاية” التفاصيل الكاملة للواقعة، خلال حلقة الأمس.

فقال والد الضحية “الناس وقوفها جنبي تخطت التخيل والتوقع، هو ده محمود، الحمد لله، كان محترم زيادة عن اللازم في مجتمعنا الحالي، أنا ربيته الحمد لله، لكن الظاهر إن الأخلاق والتربية العالية في مجتمعنا شيء مش مطلوب”.

وتابع والد الشاب محمود البنا “ابني مطعون كتير جدًا عنات في ظهره ورقبته وجنبه، الثلاثة اللي قتلوه واحد منهم معروف جدًا إنه هو بتاع مشاكل عندنا في تلا، الواد ده للي هو محمد راجح أهله مسنود على جده الواء فلان، وكان حاسب إنه يستمر في البلطجة دي، ودي مش أول واقعة، عمل حوادث كتير، وعدت بالواسطة، تراب الأرض في تلا بيكره، بيتحرش ببنات وبيضرب بنات وده اللي وجع محمود”.

وأضاف والد محمود البنا “واللي خلى محمود يكتب على الفيس عنده إن اللي يضرب بنت يبقى بنت زيها، وبدأ يتربص لمحمود ابني، وتاني يوم في مواعيد دروسه، اتربصوا لابني اللي معاه مطوة واللي معاه عصايا، واللي كتف واللي طعن، بشكل وجراءة تدل على إننا في مجتمع مش طبيعي خالص”.

وتابع محمد البنا “هو ابني الوحيد، هو وأخته ندى، ومحمود مش ابني لوحدي، ده ابن مصر كلها، اتمنى العدالة تجيب لي حقي، اتمنى الإفراج عن الناس اللي تجمهرت عشان خاطر محمود شباب صغير زملاء محمود اتاخدوا”.

شاهد الفيديو…