استعرض الإعلامي عمرو أديب تغريدات لقناة الجزيرة وأفيخاي أدرعي، المتحدث باسم الجيش الإسرائيلي والتي تحمل نفس المعنى حول نصر أكتوبر، وذلك خلال حلقة الأمس من برنامج “الحكاية” المذاع على قناة “أم بي سي مصر”.
فعلق أديب قائلا “ابتدوا يعضوا في حرب أكتوبر، عندهم سبب حقير إنه يهد البلد، فهو مستعد إنه يهد حرب أكتوبر، وحقائق حرب أكتوبر، عشان يهد الجيش المصري، لأنها هي درة الجيش المصري، فجأة السنة دي قرروا أنها مسرحية، إنما لما كان مرسي الرئيس عمل احتفال في استاد القاهرة، من أجل ذكرى حرب أكتوبر”.
وتابع أديب قائلا “الغريب النهاردة إن الجزيرة، وأفخاي أدرعي كاتبين نفس التويتة، بأن الجيوش العربية حققت انتصارات كبيرة حيث تم تحرير شريط ضيق على الضفة الشرقية لقناة السويس، وأنا بقولهم الشريط الضيق ده قد قطر 4 مرات، تقليل وتقزيم للحرب، وأفخاي قال نفس المعنى”.
وأضاف أديب قائلا “هما كده مش مشكلتهم مع الحكم، مشكلتهم مع الجيش المصري، اللي هو ملايين، إنت النهارده بتمسك قدس الأقداس للجيش المصري، هو يا حيوان منك لك هي سينا رجعت كاملة لينا ليه، عشان عبرنا، وعشان حطناهم في موقف زي الزفت، وحطناهم في أمر واقع”.
وأكمل أديب “الجيش المصري هو اللي رجع لك الكرامة، وهو اللي قلب استراتيجية المنطقة كلها، ما تيجوا نرجع تاني للحرب ونشوف إيه اللي حصل فيها، الناس دي والله ناقص يشككونا في إسلامنا”.
شاهد الفيديو…