حذر الإعلامي عمرو أديب من بيان مضروب على مواقع التواصل الاجتماعي، الذي يحذر المواطنين من التظاهر لدعم الدولة المصرية ومؤسساتها.
فعلق أديب قائلا “من الصبح في تحذير مضروب بيتوزع على الناس على السوشيال ميديا، أنتوا عمركوا شفتوا بوست من ظابط مخابرات، وتحت عامل إمضاء من المخابرات، في حاجة كده”.
وتابع أديب “يا جماعة المخابرات المصرية لا ترسل أي رسائل للناس، لا صفحات للمخابرات، يعني في حد في المخابرات يبقى اسمه مسعد المالحي المالحي، بيان كذب”.
وأضاف أديب قائلا “اللي عايز ينزل ينزل، مفيش بيانات نزلت من الدولة قالت لحد حاجة، بكرة يوم عام، بكرة في فاعلية جميلة عند النصب التذكاري في مدينة نصر، اللي عايز يروح يروح، الساعة 6 هيكون في احتفال جميل وأغاني والناس هتتبسط، إنزلوا وروحوا”.
وأكمل أديب “بلدكم أمان، مش هينفع نقعدكم في بيتكم، البلد أمان، واللي مش عايز ينزل ينزل، الجزيرة بتزعل ما بنقول للناس تنزل، وأنا بقول لحضراتكم اللي عايز ينزل ينزل، الجمعة يوم عادي، وأنا معنديش أي مشكلة لو اتجمعوا في حتة وهتفوا هتافتين، وصورا نفسهم”.