علق الإعلامي تامر أمين على الفيديوهات التي يواصل المقاول محمد علي نشرها عبر مواقع التواصل الاجتماعي، والتي يهاجم فيها النظام الحالي والرئيس السيسي والجيش.
فأعرب أمين خلال حلقة الأمس من برنامج “أخر النهار” عن رأيه قائلا “في حالة من حالات الهوجة والدوسة المفتلعة من رأيي، مش هكذب عليكم ولا أخبي، حتى لو الصراحة مينفعش تتقال، المدعو محمد علي اللي مصدعنا بفيديوهات من أسبانيا، وبعيدا عن شخص محمد علي الذي لا يستحق عناء ذكره من وجهة نظري، ولا نديله أكبر من حجمه، وأي جهه مينفعش يديله أكبر من حجمه، لكن للأسف من 2011 إحنا نجمنا ناس متستحقش إلا الجلد”.
وتابع أمين “هي إيه الحالة اللي عملها محمد علي، فكرة المغناطيس، ودي نظرية عاملة زي الحالة اللي إحنا فيها دي، يعني على الرغم إن في ناس كتير مش مقتنعة باللي بيقوله محمد علي، بس عشان عندهم مشاكل تانية لقوا عند محمد علي المغاطيس”.
وأكمل أمين قائلا “البلد في حرب ضد الإرهابية، والدول اللي عايزة ترجع مصر، وفي حرب ضد مجموعات من الداخل، وفي حرب ضد مشاكلنا الكتير اللي بنعاني منها، تخيل وسط الحروب دي تقوم مدي بلدك خبطة في الظهر”.
وأضاف “ينفع نختلف مع بعض في البلد مش على البلد، محمد علي كان ممثل حبوب ولطيف وبيحب الجيش وشغال معاهم أول ما الحنفية اتقفلت قال يمثل، وفشل وفكر يبقى نجم بطريقة ثانيةوبينزل صورة مع البنات وفرحان بنفسه وبفكرة الشمال تخيلوا إن ده يبقى ايقونة عند ناس”.