بالفيديو| هجوم ناري من تامر أمين على وائل غنيم وممدوح حمزة

بالفيديو| هجوم ناري من تامر أمين على وائل غنيم وممدوح حمزة

هاجم الإعلامي تامر أمين وائل غنيم بعد الفيديوهات الأخيرة التي نشرها الأخيرة على مواقع التواصل الاجتماعي، كما هاجم المهندس ممدوح حمزة، وذلك خلال حلقة الأمس من برنامج “أخر النهار” المذاع على قناة “النهار” الفضائية.

فعلق أمين قائلا “الأخ وائل غنيم، الظاهر الفلوس خلصت معاه، شفتوا صورة وائل غنيم الأخيرة، الظاهر إن القرشينات خلصت، فطالع تاني، أنا قولتلكم زمان إنها سبوسة محدش صدقني، كل النشطاء اللي كانوا طالعين بيهم السما، وأنا كنت بتهاجم وقتها وبيقولوا عليا فلول”.

وتابع أمين قائلا “يا مكتر المحامين والأطباء اللي سابوا مهنهم وباقوا نشطاء، منهم الأخ الدكتور ممدوح حمزة، اللي مكانش حد يعرف لحد 2011، ومرة واحدة بقى من النشطاء، وموجود في الميدان، وبييصرف على الخيم، ويجمع شباب 6 إبريل في مكتبه، وأي مشروع الدولة تعمله يقدم فيه ويترفض يطلع يهاجم في المشروع يا سيدي هو يا فيها يا أخفيها، إنت تصميماتك وحشة نعملك إيه ، طب ما طالما تصميماتك عبقرية كده ما تطلع بره بتصميماتك دي”.

واستطرد أمين قائلا “فاكرين وائل غنيم ده لما قالوا عليه هو مفجر الثورة وأيقونة الثورة، وإزاي يتمسك، وطلع مع منى الشاذلي، وتعاطف معاه الشعب المصري، وطلع على امريكا حد الفلوس بعد ما ولع الكبريت في مصر، ودلوقتي راح في الوابا، عشان القرشينات خلصت، وكمان عشان أجهزة الإرهاب بعد ما بيستخدم ورقة المنديل بيرميها”.