نشرت الإعلامية الشهيرة ” ريهام سعيد” تسجيلاً صوتياً جديداً عبر حسابها الشخص على موقع ” انستجرام”، حيث وجهت التسجيل الصوتي لمن ليسو من جمهورها قائله: ” لو لجأ لي طفل وهو مريض بالسرقة وأهله بيربطوه من رجله فى البيت، لما أعلن ده للناس فى البرنامج هل كده بفضحه، ما أهله وأصحابهم وأهل منطقته عارفين أنا بوعى الناس علشان لو فيه حد عنده حالة مشابهة ميتصرفش كده علشان غلط”.
رسالة ريهام سعيد
وأضافت ” سعيد” انه لابد من إعطاء مثل حي من أجل توعية الناس، وأن سبب تقدم الغرب ان الإعلاميين يقدمون نماذج لمرض نفسيين وناس تعرضت للتحرش والاغتصاب، مؤكده أن ذلك هو الإعلام الواقعي.
“علشان اوعى الناس مش هطلع احكيلهم حدوتة لازم أديكي مثال حي، الغرب متقدمين علينا جدا علشان كده أوبرا وينفرى بتقدم نماذج لمرضى نفسيين وناس تعرضت لحالات اغتصاب وتحرش علشان توعى الناس ده الإعلام الواقعي”.
وأشارت الإعلامية أنه لا يجب أن تكون تقليدية وتستضيف أحد الأشخاص، موضحة أن التليفزيون الواقعي مدرسة موجودة في الإعلام بجميع أنحاء العالم، وذلك من خلال أمثلة حية.
وتابعت :
” الواقعي انه يكون فيه أمثلة حية وساعات من كتر ما هى حقيقية إنتوا بتقولوا متفبركة ، وهتقولوللى احنا كل مشاكلنا بقت تحرش ومخدرات ؟آه مشاكلنا كلها تحرش ومخدرات وسوء الأخلاق وسوء سلوك، احنا الوحيدين اللى تنازلنا عن ال10% اللى المفروض ناخدها من التبرعات وده كان حقنا بالقانون وبيقولوا يتاجرون بآلام الناس ولو مطلعناهمش يبقى بنكدب ومش بنعالج حد ، سوء النية المتكرر ملوش غير معنى واحد اننا فقدنا الثقة فى كل شيء”