أكد إيهاب واصف، نائب رئيس شعبة الذهب أن أسعار الذهب سوف تزيد أكثر خلال الفترة القادمة، ووجه نصيحة للسيدات بشراء الذهب في الوقت الحالي، وذلك خلال مداخلة هاتفية مع برنامج “الحكاية” مع الإعلامي عمرو أديب على قناة “أم بي سي مصر” الفضائية.
فعلق نائب رئيس شعبة الذهب قائلًا “أنا قولت الكلام ده من فترة وأنت مصدقتنيش، هي رؤية وغحنا بنبص على الأخبار المحيطة بالأسعار وهي اللي بتخلينا نحدد الذهب رايح لفين”.
وتابع واصف قائلا “كان عندنا حالة ركود، وابتدى يبقى في وعي استثماري عند المستهلك و الزبون المصري، ابتدى يفهم إن الذهب بيطلع، وإن سوق الذهب هيطلع ويعلي شوية بشوية، فالناس ابتدت تتحرك ناحية إنها تشتري الذهب، وعلى مدار الأسبوعين اللي فاتوا في حركة في السوق ومتوقع إنها تزيد.
ووجه واصف نصيحة للسيدات قائلا “الشواهد كلها بتقول إن الذهب يُشترى، اللي معاه فلوس زيادة يشتري بيها مشغولات يلبسها تبقى زينة وخزينة بدل شراء الجنيهات الذهب، وفي حاجات مصنعيتها قليلة تقترب من الجنيهات، خلي الست تتزين بالذهب”.